ବଣାଇ: ସୁନ୍ଦରଗଡ଼ ଜିଲ୍ଲା ଲହୁଣିପଡ଼ା ଥାନା ତୁମକେଲା ନିକଟରେ ଥିବା ଭାସ୍କର ଷ୍ଟିଲ୍ କାରଖାନାର ନିକଟରେ ଥିବା କ୍ୱାର୍ଟର୍ସରେ ଆଜି ଭୋରରେ ନିଆଁ ଲାଗିଯିବାରୁ ୪ଜଣ ଶ୍ରମିକ ଗୁରୁତର ଆହତ ହୋଇଛନ୍ତି। ସେମାନେ ହେଲେ ବିନୟ କୁମାର, ହାଇଦର ଅଲ୍ଲୀ, ହାଯାର ରାମ ଏବଂ ରଞ୍ଜନ କୁମାର। ସେମାନଙ୍କୁ ରାଉରକେଲା ଆଇଜିଏଚ୍ର ବର୍ନ ସେଣ୍ଟରରେ ଭର୍ତ୍ତି କରାଯାଇଛି। ସେମାନଙ୍କ ଶରୀରର ୭୦ରୁ ୯୦ ଭାଗ ପୋଡ଼ି ଯାଇଥିବା ଜଣାପଡ଼ିଛି।
କାରଖାନା ନିକଟରେ ଥିବା କ୍ୱାର୍ଟର୍ସରେ ଶ୍ରମିକମାନେ ଶୋଇଥିବା ବେଳେ ଆଜି ଭୋରରେ କୌଣସି କାରଣରୁ ନିଆଁ ଲାଗିଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।