କେନ୍ଦ୍ରାପଡ଼ା: ବିଶ୍ୱ ଐତିହ୍ୟ ସ୍ଥଳ ତାଲିକାରେ ସ୍ଥାନ ପାଇବାକୁ ମନୋନୀତ ହୋଇଛି ଭିତରକନିକା ଅଭୟାରଣ୍ୟ। ସମଗ୍ର ବିଶ୍ୱରୁ ମନୋନୀତ ହୋଇଥିବା ୯ଟି ଇକୋ ସାଇଟ୍ ମଧ୍ୟରେ ରହିଛି ଭିତରକନିକାର ନାଁ। ଇଣ୍ଟରନ୍ୟାସନାଲ୍ ୟୁନିୟନ୍ ଫର୍ କନଜରଭେସନ୍ ଅଫ୍ ନେଚରର ୫ ଜଣିଆ ପ୍ରତିନିଧି ଦଳ ଓ ରାଜ୍ୟ ସରକାରଙ୍କ ମଧ୍ୟରେ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି।
ଆଜି ଏକ ୬ ଜଣିଆ ପରିବେଶ ବିଶେଷଜ୍ଞ ଟିମ୍ ଭିତରକନିକା ପରିଦର୍ଶନ ଯାଇଛି ଏହାର ଜୈବ ବିବିଧତା ଉପରେ ଅନୁଧ୍ୟାନ କରିବା ପାଇଁ। ବନ୍ୟପ୍ରାଣୀଙ୍କ ସୁରକ୍ଷା, ସଂରକ୍ଷଣ ଓ ବଂଶବୃଦ୍ଧି ଭଳି ପ୍ରସଙ୍ଗ ଓ ଏଥିରେ ସ୍ଥାନୀୟ ଲୋକଙ୍କ ଭାଗିଦାରୀ ସଂପର୍କରେ ଏହି ଟିମ୍ ଅନୁଧ୍ୟାନ କରିବ।
୧୯୬୧ ମସିହାରେ ଭିତରକନିକାକୁ ସଂରକ୍ଷିତ ଜଙ୍ଗଲରେ ଘୋଷଣା କରାଯାଇଥିଲା। ୧୯୯୮ରେ ଏହାର ୧୪୫ କିଲୋମିଟର ଅଞ୍ଚଳ ଜାତୀୟ ଉଦ୍ୟାନ ମାନ୍ୟତା ପାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।