ଭୁବନ ଦୁର୍ଘଟଣାରେ ବୃଦ୍ଧ ମୃତ୍ୟୁ ଘଟଣା: ଗତ ରାତିରୁ ରାଜପଥ ଅବରୋଧ ଜାରି  

ଭୁବନ: ଢେଙ୍କାନାଳ ଜିଲ୍ଲା ଭୁବନ ଟିପିଲେଇରେ ଟ୍ରାକ୍ଟର ଧକ୍କାରେ ଜଣେ ବୃଦ୍ଧଙ୍କ ମୃତ୍ୟୁ ପରେ ଉତ୍ତେଜନା ଲାଗି ରହିଛି। ମୃତକଙ୍କ ପରିବାର ବର୍ଗଙ୍କୁ କ୍ଷତିପୂରଣ ଦାବିରେ ଗତରାତିରୁ ଉତ୍ତ୍ୟକ୍ତ ଲୋକେ ଟିପିଲେଇ ଛକରେ ୫୩ ନମ୍ବର ଜାତୀୟ ରାଜପଥ ଅବରୋଧ କରି ରଖିଛନ୍ତି।

ଗତକାଲି ସନ୍ଧ୍ୟାରେ ଏହି ଦୁର୍ଘଟଣା ଘଟିଥିଲା। ୧୦ ଲକ୍ଷ ଟଙ୍କା କ୍ଷତିପୂରଣ ଦାବିରେ ଲୋକେ ରାଜପଥ ଅବରୋଧ କରିଥିଲେ। ଖବର ପାଇ ରାତିରେ ଏସ୍‌ଡିପିଓ, ଥାନା ଅଧିକାରୀ ଓ ତହସିଲଦାର ଆନ୍ଦୋଳନ ସ୍ଥଳକୁ ଯାଇ ବୁଝାସୁଝା କରିଥିଲେ ମଧ୍ୟ ଲୋକେ ତାଙ୍କ ଜିଦ୍‌ରେ ଅଟଳ ରହିଥିଲେ।

ରାସ୍ତା ଅବରୋଧ ଯୋଗୁଁ ତାଳଚେର-ଯାଜପୁର ରାସ୍ତାରେ ଶହ ଶହ ଭାରିଯାନ ଅଟକି ରହିଛି।