ଭୁବନେଶ୍ୱର: ପେଟ୍ରୋଲ ଓ ଡିଜେଲ ଦର ବୃଦ୍ଧି ପ୍ରତିବାଦରେ ଆଜି ବିଜେଡି ସାରା ରାଜ୍ୟରେ ୫ ଘଣ୍ଟିଆ ହରତାଳ କରିଛି। ଫଳରେ ସାଧାରଣ ଲୋକେ ବିଭିନ୍ନ ଅସୁବିଧାର ସମ୍ମୁଖୀନ ହୋଇଥିଲେ। ରାଜଧାନୀର ରାଜମହଲ ଛକରେ ଆନ୍ଦୋଳନକାରୀଙ୍କ କବଳରୁ ଜଣେ ବୃଦ୍ଧ ରୋଗୀ ମଧ୍ୟ ବର୍ତ୍ତି ନ ଥିଲେ। ଅଟୋରେ ଯାଉଥିବା ବେଳେ ତାଙ୍କୁ ବିଜେଡି କର୍ମୀମାନେ ଅଟକାଇଥିଲେ। ସେ ଡାକ୍ତରଖାନା ଯାଉଛନ୍ତି ବୋଲି କହିବା ସତ୍ତ୍ୱେ କର୍ମୀମାନେ ତାଙ୍କୁ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି।
ସେହିପରି ସ୍କୁଲ ଯାଉଥିବା ଜଣେ ଶିକ୍ଷୟିତ୍ରୀଙ୍କୁ ମଧ୍ୟ ବିଜେଡି କର୍ମୀମାନେ ଦୁର୍ବ୍ୟବହାର କରିଛନ୍ତି। ଆନ୍ଦୋଳନକାରୀ ମହିଳାଙ୍କୁ ଟଣାଓଟରା କରିବା ପରେ ତାଙ୍କ ସ୍ୱାମୀ ଏହାର ପ୍ରତିବାଦ କରିବାରୁ ତାଙ୍କୁ ମଧ୍ୟ ଗାଳିଗୁଲଜ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।