ଭୁବନେଶ୍ୱର: ବ୍ୟାରିକେଡ ଭାଙ୍ଗିବାକୁ ଉଦ୍ୟମ ବେଳେ ପୋଲିସ- ଗଣଶିକ୍ଷକ ଧସ୍ତାଧସ୍ତି

ଭୁବନେଶ୍ୱର: ସ୍ଥାୟୀ ନିଯୁକ୍ତି ଦାବିରେ ଗଣ ଶିକ୍ଷକମାନେ ଆଜି ପିଏମଜିରେ ବିଶାଳ ରାଲି କରିଛନ୍ତି। ତେବେ ବ୍ୟାରିକେଡ ଭାଙ୍ଗିବାକୁ ଉଦ୍ୟମ କରିବା ବେଳେ ପୋଲିସ ସହ ସେମାନଙ୍କ ଧସ୍ତାଧସ୍ତି ହୋଇଥିଲା। ଗଣଶିକ୍ଷମାନେ ଦୀର୍ଘଦିନ ଧରି ଭୁବନେଶ୍ୱରର ଲୋୟର ପିଏମଜିରେ ଧାରଣାରେ ବସିଥିଲେ। ସରକାର ସେମାନଙ୍କ ଦାବି ପୂରଣ କରିବା ଦିଗରେ ପଦକ୍ଷେପ ନେଉ ନ ଥିବା ସଂଘ ଅଭିଯୋଗ କରିଛି।

ସ୍ଥାୟୀ ନିଯୁକ୍ତି ଦାବିରେ ଗଣଶିକ୍ଷକ ସଂଘ ଡିସେମ୍ୱର ୨୨ରୁ ଲୋୟର ପିଏମଜିରେ ଧାରଣାରେ ବସିଛି। ସମସ୍ୟା ସମାଧାନ ପାଇଁ ଗଠିତ ମନ୍ତ୍ରି ସ୍ତରୀୟ ସବ କମିଟି ନିଷ୍ପତ୍ତି ନେବାରେ କାହିଁକି ବିଳମ୍ୱ କରୁଛନ୍ତି ବୋଲି ସଂଘ ପ୍ରଶ୍ନ କରିଛି। ରାଜ୍ୟର ୨୨ହଜାର ଗଣଶିକ୍ଷକ ବିକ୍ଷୋଭକୁ ସମର୍ଥନ ଜଣାଇଛନ୍ତି। ଦାବିପୂରଣ ନ ହେଲେ ଆସନ୍ତାକାଲି ନବୀନ ନିବାସ ଘେରାଉ କରାଯିବ ବୋଲି ସଂଘ ଚେତାବନୀ ଦେଇଛି।