କୁହୁଡ଼ ସାଜିଲା ବାଧକ: ରାଜଧାନୀ ଏକ୍ସପ୍ରେସ୍‌ ବାତିଲ

ଭୁବନେଶ୍ୱର: ଉତ୍ତର ଭାରତରେ ଘନ କୁହୁଡ଼ି ଯୋଗୁଁ କିଛି ଟ୍ରେନ୍‌କୁ ବାତିଲ କରାଯାଇଥିବା ବେଳେ ଆଉ କିଛି ଟ୍ରେନ୍‌ର ସମୟରେ ପରିବର୍ତ୍ତନ କରାଯାଇଛି।

ଆଜି ଅପରାହ୍ନ ୩ଟାରେ ଭୁବନେଶ୍ୱରରୁ ଛାଡ଼ିବାକୁ ଥିବା ରାଜଧାନୀ ଏକ୍ସପ୍ରେସ୍‌ ବାତିଲ ହୋଇଥିବା ବେଳେ ଆସନ୍ତାକାଲି ଦିଲ୍ଲୀରୁ ଭୁବନେଶ୍ୱର ଆସିବାକୁ ଥିବା ରାଜଧାନୀ ଏକ୍ସପ୍ରେସକୁ ବାତିଲ କରାଯାଇଛି।

ପୁରୀ-ନୂଆଦିଲ୍ଲୀ ନନ୍ଦନକାନନ ଏକ୍ସପ୍ରେସ୍ ପୁରୀରୁ ଆଜି ସକାଳ ୧୦ଟା ୫୫ରେ ଛାଡ଼ିବାର ଥିଲା। ତେବେ ଏହା ଅପରାହ୍ନ ୩ଟାରେ ଛାଡ଼ିବ। ଭୁବନେଶ୍ୱର-ନୂଆଦିଲ୍ଲୀ ସୁପରଫାଷ୍ଟ ଭାୟା ଅନୁଗୋଳ-ଝାରସୁଗୁଡ଼ା ଓ ରାଉରକେଲା ଦିନ ୧୨ଟା ୪୫ ପରିବର୍ତ୍ତେ  ରାତି୧୧ଟା ୩୦ରେ ଛାଡ଼ିବ।