ଭୁବନେଶ୍ୱର: ଡାକ୍ତର ନିଯୁକ୍ତି ଦାବିରେ ଭୁବନେଶ୍ୱରର ସତ୍ୟନଗର ମହିଳା ଫୋରମ ପକ୍ଷରୁ ରବିବାର ସ୍ୱାସ୍ଥ୍ୟମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କ ବାସଭବନ ଘେରାଉ କରାଯାଇଥିଲା। ସତ୍ୟନଗରର ଏକ ସ୍ୱାସ୍ଥ୍ୟସେବା କେନ୍ଦ୍ରରେ ଗତ ୬ ମାସ ହେଲା ଡାକ୍ତର ନାହାନ୍ତି। ଏନେଇ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଏବଂ ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକଙ୍କୁ ପତ୍ର ମାଧ୍ୟମରେ ଜଣାଯାଇଥିଲେ ମଧ୍ୟ କେହି ସମସ୍ୟା ପ୍ରତି ଦୃଷ୍ଟି ଦେଉ ନ ଥିବା ସଂଗଠନ ଅଭିଯୋଗ କରିଛି।
ସତ୍ୟନଗର ମହିଳା ଫୋରମର ସମ୍ପାଦିକା ଅନୁରାଧା ଦାସ କହିଛନ୍ତି, ଆଜିକୁ ବର୍ଷେ ହେବ ଆମ ଅଞ୍ଚଳରେ ଡାକ୍ତର ନାହାନ୍ତି। ଛଅଟି ବସ୍ତିର ଲୋକମାନେ ଏଠି ରହୁଛନ୍ତି । ଫଳରେ ସେମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ବର୍ଷେ ହେଲାଣି ସ୍ୱାସ୍ଥ୍ୟମନ୍ତ୍ରୀଙ୍କୁ ଏନେଇ ଅବଗତ କରି ଥିଲେ ମଧ୍ୟ ସେ କୌଣସି ପଦକ୍ଷେପ ନ ନେବାରୁ ଆଜି ସ୍ୱାସ୍ଥ୍ୟମନ୍ତ୍ରୀଙ୍କ ଘର ଘେରାଉ କରିଥିଲୁ।
ସାତଦିନ ମଧ୍ୟରେ ସମସ୍ୟାର ସମାଧାନ ଲାଗି ମନ୍ତ୍ରୀ ପ୍ରତିଶ୍ରୁତି ଦେଇଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
