ଭୁବନେଶ୍ୱର(ଓଡ଼ିଶା ରିପୋର୍ଟର): ପୁଣି ଅଶାନ୍ତ ରାଜଧାନୀ। କିଛି ଦିନର ନିରବତା ପରେ ସକ୍ରିୟ ହେଲେ ଅପରାଧୀ। ଅଟୋ ଭିତରେ ବୋମା ଫୁଟି ଜଣେ ଆହତ ହୋଇଛନ୍ତି। ଆଜି ସନ୍ଧ୍ୟାରେ ରବି ଟକିଜ୍ ଅଞ୍ଚଳରେ ଏକ ଅଟୋ ଉପରକୁ ଦୁର୍ବୃତ୍ତମାନେ ବୋମାମାଡ଼ କରିଛନ୍ତି। ବୋମାମାଡ଼ର କାରଣ ଜଣାପଡ଼ି ନାହିଁ। ଘଟଣାସ୍ଥଳରେ ବଡ଼ଗଡ଼ ପୋଲିସ ପହଞ୍ଚି ଛାନଭିନ୍ ଆରମ୍ଭ କରିଛି। କିଛି ଦିନ ପୂର୍ବେ ଲୁଟେରାମାନେ ଉତ୍ପାତ କରିବା ପରେ ପୁଲିସ କେତେକ ସ୍ଥାନରେ ଏନ୍କାଉଣ୍ଟର କରିଥିଲା। ତେବେ ପାର୍ବଣ ଆଗରୁ ରାଜଧାନୀର ଅପରାଧୀଙ୍କ ଏଭଳି ଅରାଜକତା ପୁଲିସ ପାଇଁ ଚ୍ୟାଲେଞ୍ଜ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।