ନାରୀ ବଦ୍ଧକାରୀ ବୁଦ୍ଧଦେବ: କୁଖ୍ୟାତ ସାଇକୋ କିଲର ଚାର୍ଲସ ଶୋଭରାଜଙ୍କ ଶୈଳୀରେ କରୁଥିଲା ମର୍ଡ଼ର

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଜେଲ୍ ଗଲା ଓଡ଼ିଶାର ସାଇକୋ କିଲର ବୁଦ୍ଧଦେବ ବେହେରା। ଡେଲାଙ୍ଗ ଜଗଦଳପୁର ଜଙ୍ଗଲ ନିକଟରେ ମହିଳାଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ତାକୁ ଆଜି ପିପିଲି ଜେଏମ୍ଏଫ୍&zwnj;ସି କୋର୍ଟରେ ହାଜର କରାଯାଇଥିଲା। ହେଲେ ପିପିଲି ବାର୍ ଆସୋସିଏସନର କୌଣସି ଆଇନ୍&zwnj;ଜୀବୀ ତାଙ୍କ ଜାମିନ୍ ପାଇଁ ଆବେଦନ ନ କରିବାରୁ ତାକୁ ୧୪ ଦିନ ପାଇଁ ନିମାପଡ଼ା ଜେଲକୁ ପଠାଇ ଦିଆଯାଇଛି। </p><p>ଲଭ୍, ସେକ୍ସ, ମର୍ଡର। ଜଣେ କି ଦୁଇ ଜଣ ନୁହେଁ ପାଞ୍ଚ ପାଞ୍ଚ ଜଣ ମହିଳାଙ୍କୁ ନିଜ ପ୍ରେମ ଜାଲରେ ଫସାଇ ଦୁଷ୍କର୍ମ ଓ ହତ୍ୟା କରିଥିଲା ଏହି ଖତରନାକ୍ ସିରିଏଲ୍ ସାଇକୋ କିଲର୍ ବୁଦ୍ଧଦେବ ବେହେରା। କୁଖ୍ୟାତ ଚାର୍ଲସ ଶୋଭରାଜଙ୍କ ସହିତ ତାଙ୍କ ଚେହେରାରେ ଆଦୌ ସାମଞ୍ଜସ୍ୟ ନଥିଲେ ମଧ୍ୟ ଅପରାଧୀ ବୁଦ୍ଧିରେ ଚାର୍ଲସ ଭଳି ପୂରା ଧୂର୍ତ୍ତ। କାରନାମା ବି ସେମିତି ଜଘନ୍ୟ। ଚାର୍ଲସ ଆଉ ବୁଦ୍ଧଦେବ ଅପରାଧର ଷ୍ଟାଇଲ ବି ଏକା ଭଳି। ଓଡ଼ିଶାରୁ ଆନ୍ଧ୍ର, ଆନ୍ଧ୍ରରୁ ଝାରଖଣ୍ଡ, ଯେଉଁଠି ଯାହାକୁ ଚାହୁଁଥିଲା, ତାକୁ ପ୍ରେମ ଜାଲରେ ଫସାଉଥିଲା। ଆଉ ନିଜ ଇଚ୍ଛା ଚରିତାର୍ଥ ପରେ ମର୍ଡର କରି ଫେରାର ହେଉଥିଲା।<br />ଦେବଗଡ଼ ତିଲେଇବଣି ଗିନାହଜା ଗାଁର ମୂଳ ବାସିନ୍ଦା ବୁଦ୍ଧଦେବ। ୨୦୧୨ ଏପ୍ରିଲ ୨୯ ତାରିଖରେ ପୂର୍ବରୁ ଦୁଇ ଦୁଇଟି ପତ୍ନୀ ଥାଇ ମଧ୍ୟ ଆଉ ଜଣେ ବିବାହିତ ମହିଳାଙ୍କୁ ପ୍ରେମ ଜାଲରେ ଫସେଇଥିଲା ବୁଦ୍ଧଦେବ। ଆଉ ସଂପର୍କ ସ୍ଥାପନ ପରେ ତାଙ୍କୁ ହତ୍ୟା କରିବା ଅଭିଯୋଗରେ ସେତେବେଳେ ଦେବଗଡ଼ ପୋଲିସ୍ ହାତରେ ଗିରଫ ହୋଇଥିଲା। ପରେ ପୋଲିସ୍ ହେପାଜତରେ ଥାଇ ଦେବଗଡ଼ ହସ୍ପିଟାଲରୁ ଚମ୍ପଟ୍ ମାରିଥିଲା ଏହି ଧୂର୍ତ୍ତ ଲମ୍ପଟ। ସେବେଠାରୁ ଘରକୁ ଫେରି ନାହିଁ ବୋଲି ପରିବାର ଲୋକେ କହିଛନ୍ତି।<br />ପୋଲିସ୍ ହେପାଜତରୁ ଫେରାର ହେବା ପରେ ଗୋଟିକ ପରେ ଗୋଟିଏ ଜଘନ୍ୟକାଣ୍ଡ ଘଟାଇ ଚାଲିଥିଲା ବୁଦ୍ଧଦେବ। ହେଲେ କନ୍ଧମାଳ ଜିଲ୍ଲା ରାଇକିଆର ୨୭ ବର୍ଷୀୟ ଅନୀତା ନାୟକଙ୍କୁ ଡେଲାଙ୍ଗ ଜଦଗଳପୁର ଜଙ୍ଗଲରେ ହତ୍ୟା କରିବା ପୂର୍ବରୁ ମୋଟରୀ ଷ୍ଟେସନ୍ ନିକଟରେ ରହୁଥିଲା ଏହି ନର ପିଶାଚ। ଏଠାରେ ତାର ଶିକାର ପାଲଟିଥିଲେ ଆଙ୍କୋଇ ଗାଁର ଜଣେ ଯୁବତୀ ପ୍ରୀତି ଭୋଇ।<br />ପୁରୀ ପୋଲିସ୍&zwnj; ସୂଚନା ଅନୁଯାୟୀ, ବୁଦ୍ଧଦେବ ପ୍ରତି ୪-୫ ମାସରେ ପୁରୀ, ଜଟଣୀ ଓ ଫୁଲବାଣୀରୁ ପୁରୁଷ ଓ ମହିଳା ଶ୍ରମିକଙ୍କୁ ନେଇ ଆନ୍ଧ୍ରପ୍ରଦେଶର ବିଭିନ୍ନ କମ୍ପାନୀରେ କାମ କରାଏ। ଆଉ ଯେଉଁ ମହିଳାଙ୍କ ଉପରେ ତାର ପାପ ନଜର ପଡେ, ତାଙ୍କୁ ଫସେଇ ଦିଏ ନିଜ ଜାଲରେ। ଏପର୍ଯ୍ୟନ୍ତ ତା&rsquo; ନାଁରେ ୫ ଜଣ ମହିଳାଙ୍କୁ ହତ୍ୟା କରିଥିବାର ଅଭିଯୋଗ ଥିବା ବେଳେ ଅପରାଧୀକ ତାଲିକା ବଢ଼ିପାରେ। </p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।