ଭୁବନନେଶ୍ୱର: ଚଳିତମାସରୁ ଅଲିଭ ରିଡଲେ କଇଁଛଙ୍କ ପ୍ରଜନନ ଋତୁ ଆରମ୍ଭ ହେଉଛି। ଏଥିପାଇଁ ଦେବୀ ନଦୀ ମୁହାଣ, ରୁଶିକୁଲ୍ୟା ଓ ଗହିରମଥାରେ ଅଣ୍ଡା ଦେବା ପାଇଁ ଅଲିଭ ରିଡଲେ କଇଁଛଙ୍କ ଆସିବା ଆରମ୍ଭ ହୋଇଗଲାଣି। ଆସୁଥିବା କଇଁଛଙ୍କୁ ସୁରକ୍ଷା ଦେବା ପାଇଁ ଗୁରୁବାର ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ପ୍ରଥମ ବୈଠକ ସଚିବାଳୟରେ ଅନୁଷ୍ଠିତ ହୋଇଯାଇଛି। ଏଥିରେ ଦେବୀ ନଦୀ ମୁହାଣ, ରୁଶିକୁଲ୍ୟା ଓ ଗହିରମଥା ଉପକୂଳରୁ ୨୦ କିଲୋମିଟର ପର୍ଯ୍ୟନ୍ତ ଅଞ୍ଚଳରେ ମାଛ ଧରିବା ନିଷେଦ୍ଧ କରାଯାଇଛି। ଉକ୍ତ ଅଞ୍ଚଳରେ ବେଆଇନ ଭାବେ ଚାଲୁଥିବା ଟ୍ରଲରଗୁଡିକର ପଞ୍ଜୀକରଣ ତଦାରଖ କରାଯିବା ସହ ମିଳିତ ଭାବେ ମତ୍ସ୍ୟ ଓ ଜଙ୍ଗଲ ବିଭାଗ ପାଟ୍ରୋଲିଂ କରିବେ। ସମୁଦ୍ର ଭିତରେ ଏହି ଅଞ୍ଚଳରେ ବେଆଇନ ମାଛଧରା ଓ ଯନ୍ତ୍ର ଚାଳିତ ଟ୍ରଲର ଚଳାଚଳକୁ ଅତ୍ୟାଧୁନିକ ରାଡାର ଦ୍ୱାରା ନଜର ରଖିବ କୋଷ୍ଟଗାର୍ଡ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।