ନୟାଗଡ(ଓଡ଼ିଶା ରିପୋର୍ଟର): ପେଟ୍ରୋଲ ପମ୍ପରୁ ତେଲ ବଦଳରେ ବାହାରୁଛି ପାଣି । ଏଭଳି ଅଭିଯୋଗ ଆସିଛି ନୟାଗଡ ଜ଼ିଲ୍ଲା ଶରଣକୂଳ ଥାନା ଶିଖରପୁରର ଏକ ପେଟ୍ରୋଲ ପମ୍ପରୁ ।
ଗତକାଲି ରାତିରେ ଜଣେ ବ୍ୟକ୍ତି ପେଟ୍ରୋଲ ଟାଙ୍କିରେ ପେଟ୍ରୋଲ ପକାଇବା ପରେ ଗାଡି ଷ୍ଟାର୍ଟ ହେଲାନାହିଁ । ପରେ ବ୍ୟକ୍ତି ଜଣକ ଟାଙ୍କି ଖୋଲି ଦେଖିଥିଲେ। ସେଥିରେ ପେଟ୍ରୋଲ ଯେତିକି ପାଣି ମଧ୍ୟ ସେତିକି ଦେଖିବାକୁ ପାଇଥିଲେ। ଏହାକୁ ନେଇ ଦୀର୍ଘ ସମୟ ଧରି ଉତ୍ତେଜନା ଲାଗି ରହିଥିଲା । ଘଟଣାସ୍ଥଳରେ ଶରଣକୂଳ ପୁଲିସ ପହଞ୍ଚି ପେଟ୍ରୋଲ ପମ୍ପକୁ ବନ୍ଦ କରିଦେଇଥିଲା।
ନୟାଗଡ ଯୋଗାଣ ଅଧିକାରୀ ଘଟଣାସ୍ଥଳକୁ ଯାଇ ପେଟ୍ରୋଲ ପମ୍ପଟିକୁ ଅନିର୍ଦ୍ଧିଷ୍ଟ କାଳ ପାଇଁ ବନ୍ଦ କରିଦେଇଛନ୍ତି । ତେବେ ଏନେଇ ପେଟ୍ରୋଲ ପମ୍ପ କର୍ତ୍ତୃପକ୍ଷଙ୍କ କୌଣସି ପ୍ରତିକ୍ରିୟା ମିଳିନାହିଁl
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
