ମୁଖ୍ୟମନ୍ତ୍ରୀଙ୍କ ଉପଦେଶ ସହ ସରିଲା ଆଇପିଏସ୍ ସମ୍ମିଳନୀ

ଭୁବନେଶ୍ୱର (ଓଡ଼ିଶା ରିପୋର୍ଟର): “ପୁଲିସ ଲୋକଙ୍କ ନିକଟତର ହୁଅନ୍ତୁ। ଲୋକଙ୍କ ସମସ୍ୟା ବୁଝନ୍ତୁ ଓ ତାକୁ ସମାଧାନ କରନ୍ତୁ।” ବରିଷ୍ଠ ପୁଲିସ ଅଧିକାରୀଙ୍କୁ ଏମିତି ଚିରାଚରିତ ଢଙ୍ଗରେ ଉପଦେଶ ବାଣୀ ଶୁଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଆଜି ଭୁବନେଶ୍ୱରରେ ଶେଷ ହୋଇଥିବା ବରିଷ୍ଠ ପୁଲିସ ଅଧିକାରୀ ସମ୍ମିଳନୀର ଅନ୍ତିମ ଦିନରେ ସେ ଏହା କହିଛନ୍ତି।

ଆଇନ ଶୃଙ୍ଖଳା ବଜାୟ ରଖିବାରେ ସଫଳତା ପାଇଁ ମୁଖ୍ୟମନ୍ତ୍ରୀ ପୁଲିସ ଅଧିକାରୀଙ୍କୁ ପ୍ରଶଂସା କରିଛନ୍ତି। ବିଶେଷ କରି ହକି ବିଶ୍ୱକପ୍ ବେଳେ ପୁଲିସର ଭୂମିକାକୁ ସେ ପ୍ରଶଂସା କରିଛନ୍ତି। ପୁଲିସ ପ୍ରତିକୂଳ ପରିସ୍ଥିତିରେ କାମ କରୁଥିବାରୁ ସେମାନଙ୍କ ସୁବିଧା ପ୍ରତି ଧ୍ୟାନ ଦିଆଯାଉଥିବା କହିଛନ୍ତି ମୁଖ୍ୟମନ୍ତ୍ରୀ।

ପରିବର୍ତ୍ତନ ଦିଗରେ ପୁଲିସ ଆଗଉଛି। ଲୋକଙ୍କୁ ନିରାପଦ ପରବେଶ ମଧ୍ୟରେ ରଖିବାରେ ପୁଲିସ ଦୃଢ଼ ପରିକର ବୋଲି ପୁଲିସ ଡିଜି ଆର୍‌.ପି. ଶର୍ମା କହିଛନ୍ତି।

୨୦୧୯ ନିର୍ବାଚନ ବର୍ଷ ଥିବାରୁ ଆଇପିଏସ୍ ଅଧିକାରୀଙ୍କୁ ଟିପ୍ସ ଦେଇଛନ୍ତି ରାଜ୍ୟ ଚିଫ୍‌ ଇଲେକ୍ଟ୍ରୋରାଲ୍ ଅଫିସର ସୁରେନ୍ଦ୍ର କୁମାର। ମୁକ୍ତ, ଅବାଧ ଓ ଶୃଙ୍ଖଳିତ ନିର୍ବାଚନ ନେଇ ସେ ପୁଲିସ ଅଧିକାରୀଙ୍କୁ ସଚେତନ କରାଇଛନ୍ତି। ନିର୍ବାଚନ କମିଶନଙ୍କ ଦିଶା, ନିର୍ଦ୍ଦେଶ ଓ ଆଭିମୁଖ୍ୟକୁ ସେ ପୁଲିସ ଅଧିକାରୀଙ୍କ ପାଖରେ ସ୍ପଷ୍ଟ କରିଛନ୍ତି। ନିର୍ବାଚନ ଅଚରଣ ବିଧିକୁ କିଭଳି କଡାକଡି ଭାବେ ପାଳନ କରାଯିବ, ସେନେଇ ପୁଲିସ ଅଧିକାରୀଙ୍କୁ ଦିନିକିଆ ଟ୍ରେନିଂ ଦିଆଯିବ ବୋଲି ସେ କହିଛନ୍ତି।

ସମ୍ମିଳନୀରେ ନିର୍ବାଚନ ପରିଚାଳନା ଓ ତଦନ୍ତରେ ଫୋରେନସିକ୍ ସାଇନ୍ସର ଅଧିକ ବ୍ୟବହାର ଉପରେ ମଧ୍ୟ ଆଲୋଚନା ହୋଇଛି। ଦଣ୍ଡବିଧାନ ହାରକୁ ବଢାଇବା ଓ ଭଲ ତଦନ୍ତ କରିବାକୁ ହେଲେ ଫୋରେନସିକ୍ ସାଇନ୍ସର ବହୁଳ ବ୍ୟବହାର ନେଇ ଟିପ୍ସ୍ ଦେଇଛନ୍ତି ଏସ୍ଏଫ୍ଏସ୍ଏଲ୍‌ରେ ବରିଷ୍ଠ ବୈଜ୍ଞାନିକ ହିତେଶ ତ୍ରିବେଦୀ।

ତିନିଦିନିଆ ବୈଠକରେ ନକ୍ସଲ ମୁକାବିଲା, ଆଇନ ଶୃଙ୍ଖଳା, ସାଇବର ଅପରାଧ, ଦଣ୍ଡବିଧାନ ହାରକୁ ବଢାଇବା ଓ ସଡ଼କ ସୁରକ୍ଷା ଆଦି ପ୍ରସଙ୍ଗ ଉପରେ ପୁଙ୍ଖାନୁପୁଙ୍ଖା ଆଲୋଚନା ହୋଇଥିଲା। ସମ୍ମିଳନୀର ଶେଷ ଦିନରେ ମୁଖ୍ୟମନ୍ତ୍ରୀ ଆରକ୍ଷୀ ଆପ୍‌ର ଉନ୍ମୋଚନ କରିଥିଲେ। ଏହାସହ ବିଭିନ୍ନ ବର୍ଗରେ ଶ୍ରେଷ୍ଠ ପ୍ରଦର୍ଶନ କରିଥିବା ପୁଲିସ ଜିଲ୍ଲା ଓ ବାଟାଲିୟନ୍ସ ପୁରସ୍କୃତ କରିଥିଲେ। ଯେଉଁଥିରେ ନକ୍ସଲ ଦମନ କ୍ଷେତ୍ରରେ ମାଲକାନଗିରିକୁ ପୁରସ୍କୃତ କରାଯାଇଥିଲା।

ଆହୁରି ପଢ଼ନ୍ତୁ

ରାଜ୍ୟରେ ଦିନକରେ ଚିହ୍ନଟ ହେଲେ ୧୯୭୭ କରୋନା ପଜିଟିଭ

ନିଜେ ଲିଭି ୬ ଜଣଙ୍କ ଜୀବନ ଦୀପ ଜଳାଇଥିଲେ, ସୂରଜଙ୍କ ନାଁରେ ଆରମ୍ଭ ହେଲା ସ୍ୱର୍ଣ୍ଣିମ ଅଧ୍ୟାୟ

ରାଜ୍ୟରେ ୧୯୮୧ ନୂଆ କରୋନା ଆକ୍ରାନ୍ତ ଚିହ୍ନଟ

ଭାଇରାଲ୍ ଅଡ଼ିଓ ସହ କ’ଣ ଥିଲା ଲକ୍ଷ୍ମୀକାନ୍ତଙ୍କ ସାଲାରି ସ୍ଲିପ୍‌ର ସମ୍ପର୍କ ? କ’ଣ ଖୋଜୁଥିଲା ପୁଲିସ

ଅଡିଓ ଭାଇରାଲ ମାମଲା: ଲକ୍ଷ୍ମୀକାନ୍ତ, ବିଶ୍ୱଜିତଙ୍କୁ ମିଳିଲା ଜାମିନ

ପ୍ରକାଶ ପାଇଲା ଯୁକ୍ତ ଦୁଇ ବିଜ୍ଞାନ ରେଜଲ୍ଟ

ଦିନକରେ ସର୍ବାଧିକ, ୩୦ ଜିଲ୍ଲାରୁ ୧୮୭୬ ଆକ୍ରାନ୍ତ ଚିହ୍ନଟ

ସୋଶାଲ ମିଡିଆ ପୋଷ୍ଟକୁ ନେଇ ବେଙ୍ଗାଲୁରୁରେ ହିଂସା ; ୨ ମୃତ

ସଞ୍ଜୟ ଦତ୍ତଙ୍କୁ ଫୁସ୍‌ଫୁସ୍‌ କର୍କଟ, ଚିକିତ୍ସା ପାଇଁ ଆମେରିକା ଯିବେ

କେମିତି ଅଛନ୍ତି ଗିରଫ ଲକ୍ଷ୍ମୀକାନ୍ତଙ୍କ ପରିବାର ?

ଭାଇରାଲ ଅଡ଼ିଓ ମାମଲାରେ କ୍ୟାପିଟାଲ ଥାନା IICଙ୍କ ନାଁରେ ଏତଲା

ଖୋଲିଲା ବିଶ୍ୱଜିତଙ୍କ ବିଜେଡି ଲିଙ୍କ୍‌ !