କଟକ: କଟକ ମହାନଗର ନିଗମ କାଉନସିଲ ବୈଠକରେ ଗଣ୍ଡଗୋଳ ଘଟଣାରେ ୫ଜଣ ବିଜେଡି କର୍ପୋରେଟରଙ୍କୁ କମିଶନରେଟ୍ ପୋଲିସ୍ ନୋଟିସ୍ କରିଛି। ସେମାନେ ହେଲେ ରଞ୍ଜନ ଖାଁ, ବିକାଶ ବେହେରା, ଇତିଶ୍ରୀ ବେହେରା, ଅନୀଲ ନିଳାଦ୍ରି ଓ ଦୟାନିଧି ନାୟକ। ସିଆରପିସିର ଧାରା ୪୧- ଏ ଅନୁସାରେ ସମସ୍ତଙ୍କୁ ନୋଟିସ୍ କରାଯାଇଛି।
ଗତ ୨୯ ତାରିଖରେ ସିଏମସି କାଉନସିଲ ବୈଠକ ବେଳେ କିଛି କଂଗ୍ରେସ କର୍ପୋରେଟର କଟକରେ ଡେଙ୍ଗୁ ସ୍ଥିତି ନେଇ ମଶାରି ଟାଙ୍ଗି ଅଭିନବ ଢଙ୍ଗରେ ପ୍ରତିବାଦ କରୁଥିବା ବେଳେ ବିଜେଡି ଓ କଂଗ୍ରେସ କର୍ପୋରେଟରଙ୍କ ମଧ୍ୟରେ ଠେଲାପେଲା ସହ ଗାଳିଗୁଲଜ ହୋଇଥିଲା। ଏନେଇ ଥାନାରେ ମାମଲା ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।