ସୋର(ଶଶିକାନ୍ତ ବେହେରା): ବାଲେଶ୍ୱର ଜିଲା ୧୬ ନମ୍ବର ଜାତୀୟ ରାଜପଥ ସିମୁଳିଆ ଥାନା ନିକଟରେ ଗୋଟିଏ ଗୋରୁ ବୋଝେଇ କଣ୍ଟେନର ଆଜି ସକାଳେ ଦୁର୍ଘଟଣାଗ୍ରସ୍ତ ହୋଇଛି। ସ୍ଥାନୀୟ ଲୋକେ ଉକ୍ତ ଗାଡ଼ିରୁ ବହୁ ଗୋରୁଙ୍କୁ ନେଇଯାଇଥିବା ଜଣାପଡ଼ିଛି।
ଖବର ନେବାରୁ ଜଣାପଡ଼ିଛି, ଖୋର୍ଦ୍ଧାରୁ କୋଲକତା ଯାଉଥିବା ଏକ ଗୋରୁ ବୋଝେଇ କଣ୍ଟେନରକୁ ଏକ ଅଜଣା ଗାଡ଼ି ଥାନା ନିକଟରେ ଧକ୍କା ଦେଇଥିଲା। ଉକ୍ତ ଗାଡ଼ିରେ ୧୫୦ରୁ ଊର୍ଦ୍ଧ୍ୱ ଗୋରୁ ଥିଲେ।
ଏହି ଦୁର୍ଘଟଣାରେ କିଛି ଗୋରୁ ଆହତ ହୋଇଥିବା ବେଳେ ଆଉ କିଛି ଗୋରୁଙ୍କୁ ଲୋକେ ନେଇ ଯାଇଥିବା ଜଣାପଡ଼ିଛି। ଘଟଣାସ୍ଥଳରେ ସିମୁଳିଆ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।