ସୋନପୁର (ଓଡ଼ିଶା ରିପୋର୍ଟର); ସୁବର୍ଣ୍ଣପୁର ଜିଲ୍ଲା ରାଜାକୋଠି ଗାଁରେ ବିକ୍ରି ପାଇଁ ପ୍ରସ୍ତୁତ ହେଉଥିବା ଗୋଟିଏ ବଜ୍ରକାପ୍ତା ଓ ବଜ୍ରକାପ୍ତା କାତି ଜବତ ହୋଇଛି। ଏଥିରେ ସଂପୃକ୍ତ ୨ ଜଣଙ୍କୁ ଏସ୍ଟିଏଫ୍ ଗିରଫ କରିଛି। ଗିରଫ ଦୁଇ ଜଣ ହେଲେ ଉଲୁଣ୍ଡାର କପାସିରା ଗାଁର ସୋମନାଥ ବାଗ୍ ଓ ଗିନ୍ଧିଲାମାଲର ମାରସଲନା।
ଭେଙ୍ଗେରା ମହାନଦୀ ପୋଲ ପାଖରେ ଦୁହେଁ ଜୀବନ୍ତ ବଜ୍ରକାପ୍ତା ଓ କାତି ବିକ୍ରି ପାଇଁ ଡିଲ୍ କରୁଥିବାର ସୂଚନା ପାଇଁ ଏସ୍ଟିଏଫ୍ ଚଢ଼ଉ କରିଥିଲା ଜବତ ହୋଇଥିବା ବଜ୍ରକାପ୍ତା କାତିର ଓଜନ ୫ କିଲୋ ୬୫ ଗ୍ରାମ ବୋଲି ଏସ୍ଟିଏଫ୍ ସୂଚନା ଦେଇଛି। ଏହାପରେ ଦୁହିଁଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ତେବେ ଜବତ ବଜ୍ରକାପ୍ତାକୁ ଜଙ୍ଗଲ ବିଭାଗକୁ ହସ୍ତାନ୍ତର କରାଯାଇଥିବାବେଳେ କାତିକୁ ଡେରାଡୁନ୍ ପଠାଇ ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।