ଖାଉଟି କମିଶନଙ୍କ ସର୍କିଟ ବେଞ୍ଚ ପ୍ରତିଷ୍ଠା ବିଜ୍ଞପ୍ତି କାର୍ଯ୍ୟକାରୀ ନ କରିବାକୁ ନିର୍ଦ୍ଦେଶ

ଭୁବନେଶ୍ୱର:ରାଜ୍ୟ ଖାଉଟି କମିଶନଙ୍କ ସର୍କିଟ ବେଞ୍ଚ ପ୍ରତିଷ୍ଠା ନେଇ ସରକାରଙ୍କ ବିଜ୍ଞପ୍ତିକୁ ଅନ୍ୟାଦେଶ ପର୍ଯ୍ୟନ୍ତ କାର୍ଯ୍ୟକାରୀ ନ କରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଓଡ଼ିଶା କଞ୍ଜ୍ୟୁମର ବାର ଆସୋସିଏସନ୍‌ର ଆବେଦନକୁ ବିଚାର ପାଇଁ ଗ୍ରହଣ କରି ହାଇକୋର୍ଟ ଏହି ନିର୍ଦ୍ଦେଶ ଦେଇଛନ୍ତି।

ରାଜ୍ୟ ଖାଉଟି କମିଶନ କଟକରେ କାର୍ଯ୍ୟ କରୁଥିବା ବେଳେ ବ୍ରହ୍ମପୁର ଓ ସମ୍ୱଲପୁରରେ କମିଶନଙ୍କ ସର୍କିଟ ବେଞ୍ଚ ସ୍ଥାପନ ପାଇଁ ଗତ ସେପ୍ଟେମ୍ୱରରେ ସରକାର ବିଜ୍ଞପ୍ତି ପ୍ରକାଶ କରିଥିଲେ। ଖାଉଟି କମିଶନରେ ଅଧ୍ୟକ୍ଷଙ୍କ ସହ ମୋଟ୍‌ ୩ ଜଣ ସଦସ୍ୟ ଅଛନ୍ତି। ସର୍କିଟ ବେଞ୍ଚ ପାଇଁ ସର୍ବନିମ୍ନ ଦୁଇ ଜଣ ସଦସ୍ୟଙ୍କ ଆବଶ୍ୟକତା ରହିଛି। ସର୍କିଟ ବେଞ୍ଚ ପ୍ରତିଷ୍ଠା ହେଲେ କମିଶନଙ୍କ ମୁଖ୍ୟ କାର୍ଯ୍ୟାଳୟରେ ଶୁଣାଣି ହୋଇପାରିବ ନାହିଁ ଦର୍ଶାଇ ବିଜ୍ଞାପନ ରଦ୍ଦ କରିବାକୁ ବାର ଆସୋସିଏସନ୍‌ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।