ରାୟଗଡ଼ା: ଚେନ୍ନାଇରେ ଦାଦନ ଖଟିବାକୁ ଯାଇ ରାୟଗଡ଼ଶ ଜିଲ୍ଲାର ୨ ଜଣ ଯୁବକ ନିର୍ଯାତନାର ଶିକାର ହେଉଥିବା ଅଭିଯୋଗ ହୋଇଛି। ଯୁବକ ଦ୍ୱୟ ହେଲେ ବିଷମକଟକ ବ୍ଲକ ବକ୍ସିଶିରିପୁର ଗାଁର ନୀଳମାଧବ ନାୟକ ଏବଂ ଅଜିତ ରଣା। ଜିଲ୍ଲା ଶ୍ରମ କାର୍ଯ୍ୟାଳୟରେ ସେମାନଙ୍କ ପରିବାର ଲୋକେ ଅଭିଯୋଗ କରିବା ପରେ ଘଟଣା ପଦାକୁ ଆସିଛି।
ଅଭିଯୋଗ ଅନୁସାରେ ଗତ ମେ’ ମାସରେ ଗାଁର ୫ ଜଣ ଯୁବକ କାମ ଅନ୍ୱେଷଣରେ ଚେନ୍ନାଇ ଯାଇଥିଲେ। ସେଠାରେ ଜଣେ ଦଲାଲ ଦୈନିକ ୪୫୦ ଟଙ୍କା ମଜୁରୀ ମିଳିବ କହି ଏକ ସ୍ପେୟାର ପାର୍ଟ୍ସ କମ୍ପାନୀରେ କାମରେ ଲଗାଇ ଥିଲେ। କିଛିଦିନ କାମ କରିବା ପରେ କମ୍ପାନୀ ମାଲିକ ଜୋରଜବରଦସ୍ତ ସେମାନଙ୍କ ମୋବାଇଲ ଓ ପାଖରେ ଥିବା ଟଙ୍କା ନେଇ ଯାଇଥିଲେ। ଏହାସହ ସେମାନଙ୍କୁ ଶାରୀରିକ ଓ ମାନସିକ ନିର୍ଯାତନା ଦିଆଯାଉଥିଲା। ସେମାନଙ୍କ ମଧ୍ୟରୁ ୩ ଜଣ କୌଣସି ପ୍ରକାରେ ଖସି ଗାଁକୁ ପଳାଇ ଆସିଥିଲେ। ଏବେ ଅନ୍ୟ ୨ ଜଣ ସେଠାରେ ବନ୍ଦ ଭାବେ ରହି ନିର୍ଯାତନା ପାଉଥିବା ସେମାନେ ଆସିବା ପରେ କହିଛନ୍ତି।
ରାୟଗଡ଼ା ସହକାରୀ ଶ୍ରମ ଅଧିକାରୀ କୁମୁଦରଞ୍ଜନ ଦାସ କହିଛନ୍ତି, “ଅଭିଯୋଗ ପାଇବା ପରେ ତଦନ୍ତ ଆରମ୍ଭ କରାଯାଇଛି। ଶୀଘ୍ର ସେମାନଙ୍କୁ ଚେନ୍ନାଇରୁ ଉଦ୍ଧାର କରାଯାଇ ଅଣାଯିବ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
