ଭୁବନେଶ୍ୱର: ରାଜ୍ୟରେ ଡାଲି ଉତ୍ପାଦନ ବୃଦ୍ଧି ସାଙ୍ଗକୁ ଉନ୍ନତମାନର ବିହନ ଉତ୍ପାଦନ ପାଇଁ ଆଜି ରାଜ୍ୟ କୃଷି ବିଭାଗ ୪ଟି ଏମ୍ଓୟୁ ସ୍ୱାକ୍ଷର କରିଛି। ବିଶେଷ କରି ରାଜ୍ୟରେ ମୁଗ, ବିରି ଓ ମକା ଉତ୍ପାଦନ ବୃଦ୍ଧି ନେଇ ହୋଇଥିବା ଏହି ୪ଟି ଏମ୍ଓୟୁ ମଧ୍ୟରେ ୩ଟି ଅର୍ନ୍ତଜାତୀୟ ସଂସ୍ଥାଙ୍କ ସହିତ ସ୍ୱାକ୍ଷର ହୋଇଛି। ଏସବୁ ସଂସ୍ଥାଗୁଡିକ ହେଲା AVRDC, ICARDA,CIMMYT ଓ NSC। ଏସବୁ ସଂସ୍ଥାଙ୍କ ସହିତ ସ୍ୱାକ୍ଷର ହୋଇଛି। ଜିଲ୍ଲା ସ୍ତରରେ ଡାଲି ଉତ୍ପାଦନ ବୃଦ୍ଧି ପାଇଁ ଚାଷୀଙ୍କୁ ଉନ୍ନତ ମାନର ବିହନ ଯୋଗାଇବା ସହ ଉତ୍ପାଦନ ବଢିବା ନେଇ ପଦକ୍ଷେପ ନେବେ।
ଆସନ୍ତା ୨ ବର୍ଷ ପର୍ଯ୍ୟନ୍ତ ଏସବୁ ସଂସ୍ଥା ଜିଲ୍ଲା ସ୍ତରରେ କାର୍ଯ୍ୟ କରିବେ। ଏଥିପାଇଁ ରାଜ୍ୟ ସରକାର ପ୍ରାୟ ୧୪ କୋଟି ଟଙ୍କା ଖର୍ଚ୍ଚ କରିବେ ବୋଲି କୃଷି ମନ୍ତ୍ରୀ ପ୍ରଦୀପ ମହାରଥୀ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।