ଭବାନୀପାଟଣା (ରାଜକୁମାର ସିଂହଦେଓ): ସରକାର ‘ଆମ ଗାଁ ଆମ ବିକାଶ ନାଁ’ରେ ଅନେକ ଯୋଜନା କରି ବାଃ ବାଃ ନେଉଛନ୍ତି। ହେଲେ ରାସ୍ତା ଖଣ୍ଡିଏ ନଥିବାରୁ ଗାଁକୁ ଆମ୍ବୁଲାନ୍ସ ଯାଇପାରୁନାହିଁ। ଫଳରେ ଖଟରେ ବୁହାହେଉଛି ଶବ। ପ୍ରାୟ ପ୍ରତ୍ୟେକ ଦିନ ରାଜ୍ୟର କୌଣସି ନା କୌଣସି ଜିଲ୍ଲାରୁ ଆସୁଛି ଏମିତି ଖବର। ଆଜି ପୁଣି ଏମିତି ଏକ ଖବର ଆସିଛି କଳାହାଣ୍ଡି ଜିଲ୍ଲାରୁ।
ଜିଲ୍ଲାର ରାମପୁର ବ୍ଲକ୍ର ଦେଢ଼ଶୁଲି ପଞ୍ଚାୟତର ବାଗବିଲା ଗାଁର ଜମୁନ୍ତି ମାଝୀ ଗତକାଲି ଚାଷଜମିରେ କାମ କରୁଥିବା ବେଳେ ହଠାତ୍ ଅସୁସ୍ଥ ହୋଇ ପଡ଼ିଥିଲେ। ତାଙ୍କୁ ମୋହନଗିରି ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ଅବସ୍ଥା ଗୁରୁତର ହେବାରୁ ତାଙ୍କୁ ବଲାଙ୍ଗିର ଜିଲ୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ।
ଏହାପରେ ଡାକ୍ତରଖାନାରୁ ମୃତଦେହକୁ ଆମ୍ବୁଲାନ୍ସରେ ବଡ଼େନସରା ଗାଁ ପର୍ଯ୍ୟନ୍ତ ନିଆଯାଇଥିଲା। ହେଲେ ବାଗବିଲା ଗାଁକୁ ରାସ୍ତା ନ ଥିବାରୁ ଆମ୍ବୁଲାନ୍ସଟି ସେଠାକୁ ଯାଇପାରି ନ ଥିଲା। ଫଳରେ ମୃତଦେହକୁ ସେଠାରେ ଛାଡ଼ି ଆମ୍ବୁଲାନ୍ସ ଫେରି ଯାଇଥିଲା। ପରେ ଗାଁ ଲୋକେ ଦୁର୍ଗମ ପାହାଡ଼ିଆ ରାସ୍ତାରେ ଶବକୁ ଖଟିଆରେ ବୋହି ଗାଁକୁ ନେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
