ଡିସେମ୍ୱର ୩ରେ ବିଧାନସଭା ସମ୍ମୁଖରେ ଧାରଣା ଦେବାକୁ ଓଡ଼ିଶା ଶିକ୍ଷା ସହାୟକ ସଂଘର ଚେତାବନୀ

ଭୁବନେଶ୍ୱର: ଡିସେମ୍ୱର ୩ରେ ବିଧାନସଭା ସମ୍ମୁଖରେ ଧାରଣା ଦେବାକୁ ଚେତାବନୀ ଦେଇଛି ଓଡ଼ିଶା ଶିକ୍ଷା ସହାୟକ ସଂଘ । ଗଣଶିକ୍ଷା ମନ୍ତ୍ରୀ ଦେବୀପ୍ରସାଦ ମିଶ୍ରଙ୍କ ସହ ସଂଘର ଆଲୋଚନା ବିଫଳ ହେବା ପରେ ଏହି ନିଷ୍ପତ୍ତି ନିଆଯାଇଛି। ଶିକ୍ଷା ଅଧିକାର ଆଇନ ୨୦୦୯ର ଧାରା ୨୩ ଓ ରାଜ୍ୟ ସରକାରଙ୍କର ଶିକ୍ଷାଧିକାର ନିମୟ ୨୦୧୦ର ଧାରା ୧୮ ଅନୁସାରେ ପ୍ରାଥମିକ ଓ ଉଚ୍ଚପ୍ରାଥମିକ ବିଦ୍ୟାଳୟଗୁଡିକରେ ନିୟମିତ ଶିକ୍ଷକ ନିଯୁକ୍ତି କରାଯିବାକୁ ଦାବି ହୋଇଥିଲା। ନିୟମିତ ଶିକ୍ଷକଙ୍କ ଭଳି ସମସ୍ତ ସୁବିଧା ଯୋଗାଇଦେବାକୁ ସଂଘ ଦାବି କରିଥିଲା।