ନିର୍ବାଚନୀ ହିଂସା: ଗୁଳି କରି ଯୁବକଙ୍କୁ ହତ୍ୟା

ଢେଙ୍କାନାଳ: ଢେଙ୍କାନାଳ ଜିଲ୍ଲାରେ ଆଜି ନିର୍ବାଚନୀ ହିଂସା ଦେଖା ଦେଇଛି। ତରଭା ଗାଁ ସଲମାନ ରାଉତ ଗୁଳି ମାଡ଼ରେ ଗୁରୁତର ଆହତ ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ଏହାକୁ ନେଇ ଡାକ୍ତରଖାନାରେ ଉତ୍ତେଜନା ପ୍ରକାଶ ପାଇଛି।

ଅଭିଯୁକ୍ତଙ୍କ ଗିରଫ ଦାବିରେ ଉତ୍ତ୍ୟକ୍ତ ଲୋକ ମୃତଦେହ ରଖି ରାସ୍ତରୋକ କରିଥିଲେ। ଖବରପାଇ ଜିଲ୍ଲାପାଳ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ଅନୁଧ୍ୟାନ କରିଥିଲେ। ପରିସ୍ଥିତି ଉଦ୍‌ବେଗଜନକ ଥିବା ଦେଖି ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।

ମୃତକଙ୍କ ସମ୍ପର୍କିୟ ଅଂଶୁମାନ ନାୟକ କହିଛନ୍ତି,“ନିର୍ବାଚନକୁ ନେଇ ସଲମାନଙ୍କୁ ଗୁଳି କରି ହତ୍ୟା କରାଯାଇଛି। ତାଙ୍କ ଗାଁର ବିପକ୍ଷ ଦଳର ଲୋକେ ତାଙ୍କୁ ହତ୍ୟା କରିଛନ୍ତି।”