ଢେଙ୍କାନାଳ: ଆକ୍ରମଣକାରୀଙ୍କ ଗିରଫ ଦାବିରେ ରାସ୍ତାରୋକ

ଢେଙ୍କାନାଳ: ଢେଙ୍କାନାଳ ସହର ରଗଡ଼ି ସାହିରେ ଗତକାଲି ରାତିରେ ବୋମା ମାଡ଼ ଓ ଗାଡ଼ି ଭଙ୍ଗାରୁଜା ଘଟଣାକୁ ନେଇ ଉତ୍ତେଜନା ପ୍ରକାଶ ପାଇଛି। ଅଭିଯୁକ୍ତଙ୍କ ଗିରଫ ଦାବିରେ ଆଜି ଶତାଧିକ ଗାଁ ଲୋକେ ଆନନ୍ଦ ବଜାରଠାରେ ରାସ୍ତାରୋକ କରିଥିଲେ।

ଟାଉନ୍‌ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା କରିବା ସହିତ ୨୪ ଘଣ୍ଟା ମଧ୍ୟରେ ଅଭିଯୁକ୍ତଙ୍କୁ ଗିରଫ କରାଯିବ ବୋଲି ପ୍ରତିଶ୍ରୁତି ଦେବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା।

ପୂର୍ବ ଶତ୍ରୁତାକୁ କେନ୍ଦ୍ରକରି ଗତକାଲି ରାତିରେ କେତେକ ଯୁବକ ରଗଡ଼ି ସାହିରେ ପଶି ବୋମା ମାଡ଼ କରିବା ସହିତ ଗାଡ଼ି ଭଙ୍ଗାରୁଜା କରିଥିଲେ। ଏଥିରେ ଜଣେ ଆହତ ହୋଇଥିଲେ।