‘ଛାତ୍ର ସଂସଦ ନିର୍ବାଚନ ନ ହେଲେ ଉଚ୍ଚଶିକ୍ଷା ମନ୍ତ୍ରୀ ଯେଉଁଠିକି ଯିବେ ଅଣ୍ଡାମାଡ଼ କରାଯିବ’

ଭୁବନେଶ୍ୱର (ଓଡ଼ିଶା ରିପୋର୍ଟର): ‘ଛାତ୍ର ସଂସଦ ନିର୍ବାଚନକୁ ବାତିଲ କରି ରାଜ୍ୟ ସରକାର ଗଣତନ୍ତ୍ରର ହତ୍ୟା କରିଛନ୍ତି। ଛାତ୍ର ସଂସଦ ନିର୍ବାଚନ  ନ କରାଗଲେ ଉଚ୍ଚଶିକ୍ଷା ମନ୍ତ୍ରୀ ରୋହିତ ପୂଜାରୀଙ୍କୁ ପଦ୍ମପୁରକୁ ପୂରାଇ ଦେବୁ ନାହିଁ। ଉଚ୍ଚଶିକ୍ଷା ମନ୍ତ୍ରୀ ଯେଉଁଠିକି ଯିବେ ତାଙ୍କୁ ଅଣ୍ଡାମାଡ଼ କରାଯିବ।’ ଅଲ୍ ଓଡ଼ିଶା ଷ୍ଟୁଡେଣ୍ଟସ୍  ଭଏସ ଦେଇଛି ଏହି ଚେତାବନୀ।

ଆଜି ଉଚ୍ଚଶିକ୍ଷା ମନ୍ତ୍ରୀଙ୍କ ଭୁବନେଶ୍ୱର ସ୍ଥିତ ସରକାରୀ ବାସଭବନ ଘେରାଉ କରି ଅଣ୍ଡାମାଡ଼ କରିବାକୁ ଉଦ୍ୟମ କରିଥିଲା ଅଲ୍ ଓଡ଼ିଶା ଷ୍ଟୁଡେଣ୍ଟସ୍  ଭଏସ । ପୁଲିସ ସେମାନଙ୍କୁ  ଅଧାବାଟରୁ ଉଠାଇ ନେବା ସହ ଅଣ୍ଡା ଛଡ଼ାଇ ନେଇଥିଲା।

ଜଣେ ଆନ୍ଦୋଳନକାରୀ କହିଛନ୍ତି, ଛାତ୍ର ସଂସଦ ନିର୍ବାଚନ ବନ୍ଦ ହେବା ଯୋଗୁ କଲେଜ ଗୁଡ଼ିକରେ ବିଜେଡି ଛାତ୍ର ନେତାଙ୍କ ଅରାଜକତା ବଢୁଛି। ଶାସକ ଦଳ ନିର୍ବାଚନ ବଦଳରେ କମିଟି କରି କ୍ୟାମ୍ପସରେ ବିଶୃଙ୍ଖଳା କରୁଛି। ଏହାସହ କଲେଜରେ ଅଧିକ ରାଗିଂ ମଧ୍ୟ ହେଉଛି।

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।