କେନ୍ଦୁଝର: ବିଦ୍ୟୁତ୍ କାଟ ପ୍ରତିବାଦରେ କେନ୍ଦୁଝରରେ ତାତିଛନ୍ତି ସାଧାରଣ ଲୋକେ। ରାଜରାସ୍ତାରେ ନେସ୍କୋର ୨ ବିଭାଗୀୟ ଯନ୍ତ୍ରୀଙ୍କୁ ବସାଇ ଆନ୍ଦୋଳନ କଲେ। ଖାଲି ବସାଇ ନ ଥିଲେ ଦୁଇ ଯନ୍ତ୍ରୀଙ୍କୁ ଜୋତାମାଳ ମଧ୍ୟ ପିନ୍ଧାଇ ଥିଲେ। ଏହାସହ ନେସ୍କୋ ମୁଖ୍ୟ କାର୍ଯ୍ୟାଳୟ ଘେରାଇ କରି ଫାଟକରେ ତାଲା ପକାଇ ଦେଇଥିଲେ।
ଅଘୋଷିତ ବିଦ୍ୟୁତ୍ କାଟର ପ୍ରତିବାଦରେ ଏଭଳି ଆନ୍ଦୋଳନ କରିଥିଲେ ସ୍ଥାନୀୟ ଲୋକେ। ସମସ୍ୟାର ସମାଧାନ ନ ହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବା ବୋଲି ଚେତାବନୀ ଦେଇଥିଲେ।
୭ ଦିନ ମଧ୍ୟରେ ସମସ୍ୟାର ସମାଧାନ ହେବ ବୋଲି ବିଭାଗୀୟ ଯନ୍ତ୍ରୀଙ୍କ ଲିଖିତ ପ୍ରତିଶ୍ରୁତି ପରେ ଉତ୍ତ୍ୟକ୍ତ ଲୋକେ ଆନ୍ଦୋଳନରୁ ଓହରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।