ଫେକ ଏନ୍‌କାଉଣ୍ଟରରେ ମୃତ ଦମ୍ପତିଙ୍କ ପରିବାରକୁ ୧୦ ଲକ୍ଷ ଟଙ୍କା ଦେବାକୁ ନିର୍ଦ୍ଦେଶ

କନ୍ଧମାଳ: କନ୍ଧମାଳ ଜିଲ୍ଲା ତଗଲପଦର ଫେକ୍‌ ଏନକାଉଣ୍ଟର ମାମଲାରେ ମୃତ ଦମ୍ପତିଙ୍କ ପରିବାରକୁ କ୍ଷତିପୂରଣ ବାବଦକୁ ୫ ଲକ୍ଷ ଲେଖାଏଁ ଟଙ୍କା ଦେବାକୁ ରାଜ୍ୟ ମାନବାଧିକାର କମିଶନ ନିର୍ଦ୍ଦେଶ ଦେଇଛନ୍ତି। ୮ ସପ୍ତାହ ମଧ୍ୟରେ ଏହି ଟଙ୍କା ପ୍ରଦାନ କରିବାକୁ ମାନବାଧିକାର କମିଶନ, ରାଜ୍ୟ ଗୃହ ସଚିବଙ୍କୁ ଜଣାଇଛନ୍ତି।

୨୦୧୫ ମସିହାରେ ତଗଲପଦର ଗାଁର ବୁଦ ନାଏକ ଓ ତାଙ୍କ ପତ୍ନୀ ବୁଡି ନାୟକ ନିଜ ପୁଅ ସହ କଥା ହେବାକୁ ଗାଁ ନିକଟ ପାହାଡ଼ ଉପରକୁ ଯାଇଥିଲେ। ମୋବାଇଲ ନେଟୱାର୍କ ଠିକ ନ ଥିବାରୁ ସେମାନେ ସେଠାରେ ଫୋନ ଲଗାଇବାକୁ ଚେଷ୍ଟା କରୁଥିବା ବେଳେ ସୁରକ୍ଷାକର୍ମୀ ମାଓବାଦୀ ଭାବି ସେମାନଙ୍କ ଉପରକୁ ଗୁଳି ଚଳାଇଥିଲେ। ଫଳରେ ଘଟଣା ସ୍ଥଳରେ ଦମ୍ପତିଙ୍କ ମୃତ୍ୟୁ ଘଟିଥିଲା। ଏହି ଘଟଣା ସେତେବେଳେ ସମଗ୍ର ରାଜ୍ୟର ଚର୍ଚ୍ଚାର ବିଷୟ ହୋଇଥିଲା।