ଯାଜପୁର (ଗୁଲାମ ଗସ୍): ଯାଜପୁର ଜିଲ୍ଲା ବିଞ୍ଝାରପୁର ଥାନା ଅନ୍ତର୍ଗତ କଣ୍ଟିପୁର ବ୍ରିଜ ନିକଟରୁ ଗତକାଲିଠାରୁ ନିଖୋଜ ହୋଇଯାଇଥିବା ବାପାପୁଅଙ୍କ ମୃତଦେହ ଉଦ୍ଧାର କରାଯାଇଛି। ସେମାନେ ହେଲେ ସରୋଜ ବଳ (୩୨) ଓ ପୁଅ ଆୟସ (୭)।
ଗତକାଲି ସନ୍ଧ୍ୟାରେ ଖରସ୍ରୋତା ନଦୀର ବାଇଟାଙ୍ଗି ମଠ ନିକଟରେ ବାପାପୁଅ ଗାଧୋଉଥିବା ବେଳେ ବୁଡ଼ି ଯାଇଥିଲେ। ବହୁ ଖୋଜାଖୋଜି କଲା ପରେ ବି ସେମାନଙ୍କ ସନ୍ଧାନ ମିଳି ନଥିଲା। ଆଜି ଅଗ୍ନିଶମ ବାହିନୀ କର୍ମଚାରୀମାନେ ନଦୀରେ ଖୋଜା ଖୋଜି କରି କଣ୍ଟିପୁର ବ୍ରିଜ୍ ନିକଟରୁ ଉଭୟଙ୍କ ମୃତଦେହକୁ ଉଦ୍ଧାର କରିଥିଲେ।
ପୁଲିସ୍ ବାପପୁଅଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।