ରାଉରକେଲା(ଓଡ଼ିଶା ରିପୋର୍ଟର): ସୁନ୍ଦରଗଡ଼ ନିକଟ କନ୍ଦାବାହଲ ନିକଟ ବିଜୁ Expreswayରେ ମଙ୍ଗଳବାର ଦିନ ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା । ଏକ ମାଛ ବୋଝେଇ ମିନି ଟ୍ରକ ଓଲଟି ପଡ଼ିବାରୁ ଟ୍ରକର ଡ୍ରାଇଭର ଏବଂ ହେଲ୍ପର ଆହତ ହୋଇଥିଲେ । ସ୍ଥାନୀୟ ଲୋକଙ୍କ ଏଥିପ୍ରତି ନିଘା ନଥିଲା । ଆହତମାନଙ୍କୁ ଉଦ୍ଧାର କରିବା ବଦଳରେ ଓଲଟି ପଡିଥିବା ଟ୍ରକର ମାଛ ବୋହିବାରେ ବ୍ୟସ୍ତ ଥିଲେ ଲୋକେ।
ରାଜପଥ କଡରେ ଏହି ଟ୍ରକଟି ଓଲଟି ପଡିଥିବା ବେଳେ ଲୋକମାନେ ମାତ୍ର କେଇ ମିନିଟରେ ମାଛ ସବୁ ବୋହି ନେଇଥିଲେ । ଯିଏ ଯେଉଁଥିରେ ପାଇଲା ବୋହିନେଲେ ମାଛ । ଆହତ ଡ୍ରାଇଭରର ଆତୁର ନିବେଦନ କେହି ଶୁଣି ନଥିଲେ । ଏହି ମାଛ ବୁହା ଦୃଶ୍ୟକୁ କିଛି ଲୋକ ମୋବାଇଲରେ ରେକର୍ଡ଼ିଂ କରିବା ଦେଖା ଯାଇଥିଲା ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।