ସ୍ମାର୍ଟ ସିଟି ରାସ୍ତାରେ ମଣିଷ ଉଚ୍ଚର ପାଣି: ଇସ୍କନ ମନ୍ଦିର ସାମ୍ନା ରାସ୍ତାରେ ବନ୍ୟା ଭଳି ସ୍ଥିତି

ଭୁବନେଶ୍ୱର (ଓଡ଼ିଶା ରିପୋର୍ଟର): ବର୍ଷାରେ ବେହାଲ ରାଜଧାନୀ। ଆଜି ହୋଇଥିବା ଘଣ୍ଟାକର ବର୍ଷାରେ ଭୁବନେଶ୍ୱରର ତଳି ଅଞ୍ଚଳ କଥା ଛାଡନ୍ତୁ, ଜାତୀୟ ରାଜପଥରେ ମଣିଷ ଉଚ୍ଚର ପାଣି। ଆପଣ ଦେଖୁଥିବା ଏ ଦୃଶ୍ୟ ନୟାପଲ୍ଲୀ ଇସ୍କନ ମନ୍ଦିର ସାମ୍ନା ରାସ୍ତାର। ଦେଖନ୍ତୁ, କାର, ଅଟୋ କିଭଳି ପାଣିରେ ବୁଡିଯାଇଛି। ସ୍ମାର୍ଟ ସିଟିର ଜାତୀୟ ରାଜପଥରେ ବର୍ଷା ପାଣି ଜମି ସୃଷ୍ଟି ହୋଇଥିଲା ବନ୍ୟା ପରିସ୍ଥିତି। କେବଳ କାର, ଅଟୋ ନୁହେଁ ଅନେକ ବାଇକ୍ ମଧ୍ୟ ପାଣିରେ ବୁଡି ଯାଇଥିଲା। ଅନେକ ସମୟ ଧରି ରାଜଧାନୀ ରାଜରାସ୍ତାରେ ଯାତାୟତ ବାଧାପ୍ରାପ୍ତ ହୋଇଥିଲା। ଏହି ଭିଡ଼ିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ରାଜ୍ୟର ଅନ୍ୟ ଅଞ୍ଚଳ ଛାଡ଼ନ୍ତୁ ରାଜଧାନୀରେ ଏଭଳି ଅବସ୍ଥା ଦେଖି ଅନେକ ସରକାରଙ୍କୁ ସମାଲୋଚନା କରିଛନ୍ତି। କେହି କେହି କହିଛନ୍ତି ରାଜ୍ୟସରକାରଙ୍କ ଅନେକ ଯୋଜନା ମଧ୍ୟରେ ଏହା ମଧ୍ୟ ଏକ ଯୋଜନା ସାବ୍ୟସ୍ତ ହୋଇଛି। ଯାହାକୁ ୟୁଜର୍ସ ବିଜୁ ସମୁଦ୍ର ଯୋଜନା ନାଁରେ ନାମକରଣ କରିଛନ୍ତି।

ସ୍ମାର୍ଟ ସିଟି ରାସ୍ତରେ ଭାସମାନ କାର୍‌,ଏଭଳି ଦୃଶ୍ୟ ପୂର୍ବରୁ ଦେଖିନଥିବେ

ଭାସୁଛି କାର୍‌ ଓ ଅଟୋ, ଚିହ୍ନନ୍ତୁ ଆପଣଙ୍କ ରାଜଧାନୀ ଭୁବନେଶ୍ୱରକୁ। ଦୀର୍ଘ ଘଣ୍ଟା ଧରି ପରିସ୍ଥିତି ଅଣଆୟଚ, ଶହ ଶହ ଗାଡ଼ି ଫସିରହିଛି, ସରକାର ନିରବଦ୍ରଷ୍ଟା।

Odisha Reporter यांनी वर पोस्ट केले शनिवार, ३० जून, २०१८