କଟକ: ବାଦାମବାଡି ବସଷ୍ଟାଣ୍ଡ କାଠଯୋଡି ନିକଟସ୍ଥ ଗୋପାଳପୁରକୁ ସ୍ଥାନାନ୍ତର ହେବ। ଏଥିପାଇଁ ଗୋପାଳପୁର ମୌଜାରେ ୪୨ ଏକର ୬୪୦ ଡିସମିଲ ଜମି ଅଧିଗ୍ରହଣ କରାଯାଇଛି। ଖାତା ନମ୍ୱର ୧୦୪୬ ଓ ପ୍ଲଟ୍ ନମ୍ୱର ୮୭୨ରେ ରହିଛି ଏହି ଜାଗା।
ଗତ ସୋମବାର ଏହି ଜମିକୁ ରାଜ୍ୟ ବାଣିଜ୍ୟ ଓ ପରିବହନ ବିଭାଗକୁ ହସ୍ତାନ୍ତର କରିଛନ୍ତି କଟକ ସଦର ତହସିଲଦାର। ଆଜି ଆରଆଇ ଓ ଅମିନ ଜମି ପରିଦର୍ଶନ କରିଛନ୍ତି।
ରାଜ୍ୟର ପ୍ରଥମ ଅତ୍ୟାଧୁନିକ ବସଷ୍ଟାଣ୍ଡ ଭାବେ ଏହାର ନିର୍ମାଣ କରିବା ପାଇଁ ଯୋଜନା ହୋଇଛି।
ବସଷ୍ଟାଣ୍ଡରେ ୱେଟିଙ୍ଗ୍ ହଲ୍, ଫୁଡକୋର୍ଟ, ଟଏଲେଟ, ମାର୍କେଟ କଂପ୍ଲେକ୍ସ, ପାର୍କିଂ ଏରିଆ ରହିବ। ଭିନ୍ନକ୍ଷମ ଓ ମହିଳା ଯାତ୍ରୀଙ୍କ ପାଇଁ ରହିବ ସ୍ୱତନ୍ତ୍ର ସୁବିଧା। ଏଥିସହ ୨୪ ଘଣ୍ଟିଆ ସୁରକ୍ଷା କର୍ମୀ ନିୟୋଜିତ ହେବା ସହିତ ସମଗ୍ର ବସଷ୍ଟାଣ୍ଡ ଉପରେ ନଜର ରଖିବ ସିସିଟିଭି କ୍ୟାମେରା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।