ଏହି ୬ ଜଣ ମନ୍ତ୍ରୀଙ୍କୁ ବିଧାନସଭା ଟିକେଟ୍ ଦେବନି ବିଜେଡି !

ଭୁବନେଶ୍ୱର (ଓଡ଼ିଶା ରିପୋର୍ଟର): ଶାସକ ବିଜେଡି, ଆଗାମୀ ସାଧାରଣ ନିର୍ବାଚନରେ ୬ ଜଣ ମନ୍ତ୍ରୀଙ୍କୁ ଟିକେଟ୍ ଦେବନି ବୋଲି ଚର୍ଚ୍ଚା ହେଉଛି। ଏମାନେ କିଏ ଓ କେଉଁ କାରଣରୁ ଏମାନଙ୍କୁ ଆଉ ଟିକଟ ମିଳିବନି ସେ ବିଷୟରେ ନାନ ମତ ଶୁଣିବାକୁ ମିଳୁଛି। କ୍ୟାବିନେଟ୍ ମନ୍ତ୍ରୀ ବିଜୟଶ୍ରୀ ରାଉତରାୟ ନିଜ ଆଡ଼ୁ ନିର୍ବାଚନ ଲଢ଼ିବେ ନାହିଁ ବୋଲି ଘୋଷଣା କରି ସାରିଥିବା ବେଳେ, ଏବେ ଶୁଣିବାକୁ ମିଳୁଛି, ନବୀନ ପଟ୍ଟନାୟକଙ୍କ ମନ୍ତ୍ରିପରିଷଦର ଅନ୍ୟ ୬ ଜଣ ମନ୍ତ୍ରୀଙ୍କୁ […]

munda

munda

Ordigital Desk
  • Published: Friday, 03 August 2018
  • Updated: 03 August 2018, 07:50 PM IST

ଭୁବନେଶ୍ୱର (ଓଡ଼ିଶା ରିପୋର୍ଟର): ଶାସକ ବିଜେଡି, ଆଗାମୀ ସାଧାରଣ ନିର୍ବାଚନରେ ୬ ଜଣ ମନ୍ତ୍ରୀଙ୍କୁ ଟିକେଟ୍ ଦେବନି ବୋଲି ଚର୍ଚ୍ଚା ହେଉଛି। ଏମାନେ କିଏ ଓ କେଉଁ କାରଣରୁ ଏମାନଙ୍କୁ ଆଉ ଟିକଟ ମିଳିବନି ସେ ବିଷୟରେ ନାନ ମତ ଶୁଣିବାକୁ ମିଳୁଛି।

କ୍ୟାବିନେଟ୍ ମନ୍ତ୍ରୀ ବିଜୟଶ୍ରୀ ରାଉତରାୟ ନିଜ ଆଡ଼ୁ ନିର୍ବାଚନ ଲଢ଼ିବେ ନାହିଁ ବୋଲି ଘୋଷଣା କରି ସାରିଥିବା ବେଳେ, ଏବେ ଶୁଣିବାକୁ ମିଳୁଛି, ନବୀନ ପଟ୍ଟନାୟକଙ୍କ ମନ୍ତ୍ରିପରିଷଦର ଅନ୍ୟ ୬ ଜଣ ମନ୍ତ୍ରୀଙ୍କୁ ଦଳ ଟିକେଟ୍ ନଦେବା ପାଇଁ କୁଆଡ଼େ ନିଷ୍ପତ୍ତି ନେଇଛି। ଦଳ ପକ୍ଷରୁ ଏନେଇ ଏବେଠୁ ପ୍ରସ୍ତୁତି ଆରମ୍ଭ ହୋଇସାରିଛି। ଆଉ ସେମାନଙ୍କ ସିଟ୍‌ରେ ବିକଳ୍ପ ପ୍ରାର୍ଥୀଙ୍କୁ ସାଂଗଠନିକ କାର୍ଯ୍ୟ ବୁଝିବା ପାଇଁ ନିୟୋଜିତ କରା ଯାଇଥିବା ଓ ସେମାନଙ୍କୁ କୁଆଡ଼େ ବେଶ୍‌ ଗୁରୁତ୍ୱ ଦିଆଯାଉଛି ବୋଲି ଜଣା ପଡ଼ିଛି।

ଚର୍ଚ୍ଚା ହେଉଛି, ଖୋର୍ଦ୍ଧା ଜିଲ୍ଲାର ଜଣେ ରାଷ୍ଟ୍ରମନ୍ତ୍ରୀଙ୍କୁ ଲୋକସଭା ପାଇଁ ପ୍ରାର୍ଥୀ କରିବାକୁ ଯୋଜନା ହୋଇଛି। ସେହିପରି ଅନ୍ୟଜଣେ ମନ୍ତ୍ରୀଙ୍କୁ ଟିକେଟ୍‌ରୁ ବଂଚିତ କରିବାକୁ ନିଷ୍ପତ୍ତି ହୋଇଛି।

ତେଣେ ଅବିଭକ୍ତ ବାଲେଶ୍ୱର ଜିଲ୍ଲାର ୨ ଜଣ ମନ୍ତ୍ରୀଙ୍କୁ ବି କୁଆଡ଼େ ଟିକେଟ୍ ମିଳିବ ନାହିଁ। ଏ ଦୁଇଜଣଙ୍କ ମଧ୍ୟରୁ ଜଣେ ନିଜର ପୁଅଙ୍କୁ ଟିକେଟ୍ ଦେବା ପାଇଁ ଲବି ଆରମ୍ଭ କରିଥିବା ବେଳେ, ଅନ୍ୟ ଜଣକୁ ଦଳ ସମ୍ପୂର୍ଣ୍ଣ ଭାବେ ନିର୍ବାଚନରୁ ଦୂରେଇ ରଖିବାକୁ ଚାହୁଁଛି।

ସେହିପରି ଜଣେ ମହିଳା ମନ୍ତ୍ରୀ ମଧ୍ୟ କୁଆଡ଼େ ଏଥର ଟିକେଟ୍‌ରୁ ବଂଚିତ ହେବେ। ପଶ୍ଚିମ ଓଡ଼ିଶାର ଜଣେ ରାଷ୍ଟ୍ରମନ୍ତ୍ରୀଙ୍କ ଚକ୍ରାନ୍ତ ଓ ଏକ ପ୍ରଭାବଶାଳୀ ପରିବାରକୁ ଖୁସି କରିବା ନିମନ୍ତେ ଏହି ମହିଳା ମନ୍ତ୍ରୀଙ୍କୁ ଟିକେଟରୁ ଦଳ ବଂଚିତ କରିବ ବୋଲି ଚର୍ଚ୍ଚା ହେଉଛି।

ସେହିପରି ଉପକୂଳ ଓଡ଼ିଶାର ଏକ ପ୍ରମୁଖ ଜିଲ୍ଲାର ଦଳୀୟ ସଭାପତିଙ୍କୁ ମଧ୍ୟ ଏଥର ଟିକେଟ୍ ନଦେବା ପାଇଁ ଦଳ ଯୋଜନା କରିଛି।

ପ୍ରାୟ ୪୫ରୁ ୫୦ ଜଣ ବିଧାୟକଙ୍କୁ ପୁଣିଥରେ ଟିକେଟ୍ ନଦେଇ ସେମାନଙ୍କ ସ୍ଥାନରେ ବିକଳ୍ପ ନେତା ଖୋଜିବା କାର୍ଯ୍ୟକୁ ଦଳ କୁଆଡ଼େ ଏବେ ଜୋରଦାର କରିଛି ବୋଲି ଚର୍ଚ୍ଚା ହେଉଛି। ଏ ଖବର ମିଳିବା ପରେ ଦଳ ଭିତରେ କୋକୁଆ ଭୟ ସୃଷ୍ଟି ହୋଇଛି। କିଏ କେତେବେଳେ କେଉଁଥି ପାଇଁ ଟିକଟରୁ ବାଦ୍ ପଡ଼ିବ ତାକୁ ନେଇ ଆତଙ୍କ ଖେଳିଯାଇଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos