ବିଜୁଳି ବିଲ୍‌ ଖିଲାପି ତାଲିକାରେ ସରକାର: ସମ୍ପୃକ୍ତ ବିଭାଗକୁ ଚିଠି ଲେଖିଲେ ଶକ୍ତି ସଚିବ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ସରକାରଙ୍କ ଖିଲାଫି ତାଲିକାରେ ସରକାରୀ ବିଭାଗ। ଏ କଥା ଆଶ୍ଚର୍ଯ୍ୟ ଲାଗୁଥିଲେ ବି ସତ। ସରକାରଙ୍କ ବିଭିନ୍ନ ବିଭାଗ ଉପରେ ବାକି ପଡିଛି ଶହଶହ କୋଟି ଟଙ୍କା ବିଦ୍ୟୁତ ଦେୟ। ଯାହାକୁ ନେଇ ବିଜୁଳି ବିଭାଗ ମୁଣ୍ଡରେ ଚଡକ ପଡିଛି। ହିସାବ ନିକାଶ କରି ତୁରନ୍ତ ୪୧୩ କୋଟି ଟଙ୍କା ପଇଠ କରିବାକୁ ଖିଲାପି ବିଭାଗର ସଚିବ, ବିଭାଗୀୟ ମୁଖ୍ୟ ଓ ଜିଲ୍ଲାପାଳମାନଙ୍କୁ ଶକ୍ତି ବିଭାଗ ଚିଠି ଲେଖିଛି। ଶହ ଶହ କୋଟି ବକେୟା ପଡିଥିବାରୁ କ୍ଷତି ଭରଣା ପାଇଁ ବିଦ୍ୟୁତ ଦେୟ ବଢାଇବାକୁ ଓଇଆରସିଙ୍କ ପାଖରେ ବିଦ୍ୟୁତ୍ କମ୍ପାନୀଙ୍କ ଆବେଦନକୁ ନେଇ ଆରମ୍ଭ ହୋଇଛି ରାଜନୀତି। </p><p>ବିଦ୍ୟୁତ ଦେୟ ଖିଲାପି ତାଲିକା<br />ବର୍ଷ ବର୍ଷ ଧରି ବିଭିନ୍ନ ସରକାରୀ ବିଭାଗ ଉପରେ ବାକି ପଡିଛି ବିଜୁଳି ଦେୟ। ଡିଫଲ୍&zwnj;ଟର୍&zwnj; ତାଲିକାରେ ଖୋଦ ଶକ୍ତି ବିଭାଗ ଅଛି। ସେସୁ ଅଧୀନରେ ବିଭାଗର ୫ ଟି ଜିଲ୍ଲାରେ ଥିବା ଅଫିସର ବିଜୁଳି ବକେୟା ଦେୟ ହେଉଛି ୧ କୋଟି ୯ ଲକ୍ଷ ଟଙ୍କା। ଜିଲ୍ଲାସ୍ତରରେ ସରକାରଙ୍କ ୩୦ଟି ବିଭାଗ, ୭ଟି ମ୍ୟୁନିସିପାଲିଟି, ୪ଟି ଏନ୍&zwnj;ଏସିରେ ବକେୟା ବିଜୁଳି ଦେୟ ରହିଛି ୧୩ କୋଟି ୨୬ ଲକ୍ଷ। ସେସୁ ଅଧୀନରେ ଥିବା ୫୬ଟି ସରକାରୀ ସଂସ୍ଥା ଓ ବିଭାଗର ମୋଟ ବିଜୁଳି ଦେୟ ବାକି ଅଛି ୮୧ କୋଟି ୪୫ ଲକ୍ଷ। ୱେସକୋ ଅଧୀନରେ ମଧ୍ୟ ସରକାରୀ ବିଭାଗର ବାକି ରହିଛି ୯ କୋଟି ୬୮ ଲକ୍ଷ। ବିଜୁଳି ଦେୟ ବାକିର ଏ ଲମ୍ବା ତାଲିକା ଶକ୍ତି ବିଭାଗର ଅକଲ ଗୁଡୁମ କରିଦେଇଛି। ସବୁ ହିସାବ କରି ୪୧୩ କୋଟିର ବକେୟା ଥିବା ଦର୍ଶାଇ ଖିଲାପି ବିଭାଗର ସଚିବ ଓ ଜିଲ୍ଲାପାଳଙ୍କୁ ଚିଠି ଲେଖିଛନ୍ତି ଶକ୍ତିସଚିବ। ଟଙ୍କା ଆଦାୟ ନ ହେଲେ ଗ୍ରୀଡକୋକୁ ବିଜୁଳ ଦେଉଥିବା ଏନ୍&zwnj;ଟିପିସି ଆଉ ବିଜୁଳି ଦେବନି ବୋଲି ଆଶଙ୍କା କରିଛନ୍ତି ସଚିବ। ଯାହା ରାଜ୍ୟର ବିକାଶରେ ବାଧକ ସାଜିବ।<br />କିଏ କ&rsquo;ଣ କହୁଛନ୍ତି?<br />ସରକାରୀ ସଂସ୍ଥା ଉପରେ ବକେୟା ଦେୟ ଆଦାୟ ଦାବି ଓ ଗ୍ରୀଡକୋର ଯୁକ୍ତିକୁ ବିରୋଧ କରି ଓଇଆରସିଙ୍କ ପାଖରେ ଫେରାଦ ହୋଇଛି ବିଜେପି ଓ କଂଗ୍ରେସ। ଏପରିକି ସେମାନେ ସରକାରଙ୍କୁ ଟାର୍ଗେଟ କରିଛନ୍ତି।<br />ବିଜେପି ସାଧାରଣ ସଂପାଦକ ଭୃଗୁ ବକ୍ସିପାତ୍ର କହିଛନ୍ତି-&ldquo;ରାଜ୍ୟ ସରକାରଙ୍କ ଅଫିସ୍&zwnj;ରେ ବିଦ୍ୟୁତ ବିଲ୍&zwnj; ବାକି ରହିଛି। ଏପରିକି ଖୋଦ୍&zwnj; ଶକ୍ତି ବିଭାଗ ବିଲ୍&zwnj; ପୈଠ କରିନି। ଏହି ବିଲ୍&zwnj;ର ବୋଝା ଖାଉଟିଙ୍କ ଉପରେ ପକାଇବାକୁ ରାଜ୍ୟ ସରକାର ଯୋଜନା କରିଛନ୍ତି।&rdquo;<br />କଂଗ୍ରେସ ବିଧାୟକ ପ୍ରକାଶ ବେହେରା କହିଛନ୍ତି-&ldquo;ବିଦ୍ୟୁତ ବିଭାଗର ବକେୟା ବାବଦକୁ ୪୧୩ କୋଟି ଟଙ୍କା ରହିଛି। ଏହି ଟଙ୍କା ଭରଣା କରିବା ପାଇଁ ରାଜ୍ୟ ସରକାରର ଏପରି ଉଦ୍ୟମ କରୁଛନ୍ତି। ଏହା ଏକ ନିନ୍ଦନୀୟ ଘଟଣା। ସରକାର ପ୍ରଥମେ ତାଙ୍କ ବିଭାଗର ବିଲ୍&zwnj; ପୈଠ କରିବା ଦରକାର।&rsquo;<br />ବିଜେଡି ମୁଖପାତ୍ର ସମୀର ଦାଶ କହିଛନ୍ତି-&ldquo;ସରକାରୀ ଅଫିସ ଗୁଡ଼ିକ ଯେଉଁ ବକେୟା ରଖିଛନ୍ତି ତାହା ପୈଠ କରିବା ଦରକାର। ଯଦି ଏପରି ନହେଉଛି ତାହା ନିନ୍ଦନୀୟ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।