ଇସ୍କନର ପ୍ରସ୍ତାବିତ ମନ୍ଦିର ନିର୍ମାଣ ସ୍ଥାନକୁ ନେଇ ବିବାଦ, କୋର୍ଟକୁ ଗଲା ମାମଲା

ପୁରୀ: ଇସ୍କନର ପ୍ରସ୍ତାବିତ ମନ୍ଦିର ନିର୍ମାଣକୁ ନେଇ ବିବାଦ ଲାଗି ରହିଛି। ଏବେ ଏହା ସହ ଯୋଡି ହୋଇଛି ମନ୍ଦିର ନିର୍ମାଣ ଲାଗି ପ୍ରସ୍ତାବିତ ସ୍ଥାନ। ଏହି ଜମି ଏବେ ବିବାଦ ଘେରକୁ ଆସିଛି। ଚଞ୍ଚକତା କରି ଇସ୍କନ୍ କର୍ତ୍ତୃପକ୍ଷ ଏହି ଜମି ନେଇଥିବା ଅଭିଯୋଗରେ କୋର୍ଟରେ ମାମଲା ରୁଜୁ ହୋଇଛି।

ମନ୍ଦିର ନିର୍ମାଣ ପାଇଁ ପୁରୀର ବଳିଆପଣ୍ଡାରେ ଇସ୍କନ ପକ୍ଷରୁ ଭୂମିପୂଜା ହୋଇଛି। ତେବେ ଜାଲିଆତି କରାଯାଇ ଇସ୍କନ ଏହି ଜମି ହାତେଇଥିବା ଅଭିଯୋଗ ହୋଇଛି। ଜମିର ମୂଳ ମାଲିକ ହସମୁଖ ଲାଲ୍ ଦେଶାଇ ଏବଂ ତାଙ୍କ ପୁଅ ପିୟୁଷ ଦେଶାଇ ଆମେରିକାରେ ରହୁଛନ୍ତି। ତାଙ୍କ ଦସ୍ତଖତକୁ ଜାଲଆତି କରି ଜମି ହଡ଼ପ କରାଯାଇଥିବା ଅଭିଯୋଗକାରୀ ଦର୍ଶାଇଛନ୍ତି।

ଅଭିଯୋଗକାରୀ ବିଜୟ ପଣ୍ଡା କହିଛନ୍ତି, ଏହି ଜମି ବିବାଦୀୟ। ଏହାକୁ ନେଇ କୋର୍ଟରେ ମାମଲା ରହିଛି। ଏପରି ସ୍ଥିତିରେ ପିକେଡିଏ ଅନୁମତି ଦେବ ନାହିଁ ବୋଲି ଆମେ ଜାଣିଥିଲୁ। ହେଲେ ପିକେଡିଏ ପକ୍ଷରୁ ଅନୁମତି ଦିଆଯାଇଛି, ଯାହାକୁ ଆମେ ବିରୋଧ କରୁଛୁ।

ଆଇନଜୀବୀ ଅଶୋକ କୁମାର ଦାସ କହିଛନ୍ତି, ଜମି ଜାଲିଆତି ଜରିଆରେ ଇସ୍କନ ନାଁରେ ଏହି କରାଯାଇଛି। ଇସ୍କନ ଏକ ଅନ୍ତର୍ଜାତୀୟ ସୋସାଇଟି ବୋଲି ସେମାନେ କହୁଛନ୍ତି। ହେଲେ ଲକ୍ଷ୍ମୀ ବିଲଡରକୁ ଇସ୍କନ ଜଗନ୍ନାଥ ଧାମ ବୋଲି କହି ଜମି ବିକ୍ରି କରାଯାଇଛି।

ପୁରୀ ସିପସରୁ ବାଲି ମୌଜାର ଖାତା ନଂ ୮୮ର ମୋଟ ୭ଟି ପ୍ଲଟରେ ରହିଛି ୩୦ ଏକର ୯୯ ଡିସିମିଲ ଜମି। ବିବାଦୀୟ ଜମିରେ ପ୍ଲାନ ମଞ୍ଜୁରୀ କରିବା ବେଆଇନ ବୋଲି ପୁରୀ- କୋଣାର୍କ ଡେଭଲପମେଣ୍ଟ ଅଥରିଟି ନିକଟରେ ଅଭିଯୋଗ ହୋଇଛି। ଶ୍ରୀମନ୍ଦିର ସେବାୟତଙ୍କ ପକ୍ଷରୁ ମଧ୍ୟ ଏ ନେଇ ଆପତ୍ତି ଉଠାଯାଇଛି।

ବରିଷ୍ଠ ସେବାୟତ ସୌମେନ୍ଦ୍ର ମୁଦୁଲି କହିଛନ୍ତି, ଜଣେ ସେବାୟତ ଓ ହିନ୍ଦୁ ଭାବେ ଏହାର ତିବ୍ର ପ୍ରତିରୋଧ କରୁଛି। ଇସ୍କନ ଓ ସରକାର ଏପରି ଚିନ୍ତାଧାରାରୁ ଓହରି ଯାଆନ୍ତୁ। ନଚେତ ଆନ୍ଦୋଳନ କରାଯିବ ବୋଲି ସେ ଚେତାବନୀ ଦେଇଛନ୍ତି।

ଜିଲ୍ଲାପାଳ ଅରବିନ୍ଦ ଅଗ୍ରୱାଲ କହିଛନ୍ତି, ଅଭିଯୋଗର ତଦନ୍ତ କରାଯିବ। ଯେତେ ଯାଗାରେ ସେ ପ୍ଲାନ ଆପ୍ରୁଭାଲ ନେଇଛନ୍ତି ତାହାନ୍ତ ତଦନ୍ତ କରାଯାଇ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଆହୁରି ପଢ଼ନ୍ତୁ

ମାଲକାନଗିରିରେ ବନ୍ୟା ପରିସ୍ଥିତି; ବିଭିନ୍ନ ସ୍ଥାନକୁ ଯୋଗାଯୋଗ ବିଚ୍ଛିନ୍ନ

ଡାକ୍ତରମାନଙ୍କୁ ଏହି ପରାମର୍ଶ ଦେଲେ ହାଇକୋର୍ଟ

୧୫ରୁ ଖୋଲିବ ବ୍ରହ୍ମପୁର ବଡ଼ ଡାକ୍ତରଖାନାର ଓପିଡି

ନୂଆ କାରଖାନା ପାଇଁ ହଜାରେ ଦିନ କୋହଳ ହେବ ନିୟମ, ୨୦ ପ୍ରସ୍ତାବକୁ ମଞ୍ଜୁରୀ

ନୂଆଁଖାଇ ନବାନ୍ନ ଲାଗି ଲଗ୍ନ ନିର୍ଦ୍ଧାରଣ

୨୪ ଘଣ୍ଟା ବିତିଲା, କ୍ୟାପିଟାଲ ଥାନା ଆଇଆଇସିଙ୍କ ବିରୋଧରେ ମାମଲା ରୁଜୁ କରୁନି ପୁଲିସ  

ବଢୁଛି ଟେଷ୍ଟିଂ, କମୁଛି ପଜିଟିଭ୍ ସଂଖ୍ୟା

ଆରୋଗ୍ୟ ହେଲେ ୧୬୭୩ ଆକ୍ରାନ୍ତ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ଜୟଦେବ ବିହାରରେ ଏକ ହୋଟେଲର ୧୮ କର୍ମଚାରୀଙ୍କୁ କରୋନା

ଟେନ୍‌ସନ୍‌ ବଢ଼ାଇଲା ଜାଲୁଆ ସାହି, ଆଜି ପୁଣି ୨୪ ଆକ୍ରାନ୍ତ ଚିହ୍ନଟ

ଭାଇରାଲ୍ ଅଡ଼ିଓ ସହ କ’ଣ ଥିଲା ଲକ୍ଷ୍ମୀକାନ୍ତଙ୍କ ସାଲାରି ସ୍ଲିପ୍‌ର ସମ୍ପର୍କ ? କ’ଣ ଖୋଜୁଥିଲା ପୁଲିସ

ଶ୍ରୀମନ୍ଦିର ସୌନ୍ଦର୍ଯ୍ୟକରଣ ପାଇଁ ଜମିହରାଙ୍କୁ ମିଳିବ ଜମି