ଯାଜପୁର: କ୍ରେନ ଧକ୍କାରେ ୨ ମୃତ, ଜଣେ ଆହତ

ଯାଜପୁର: ଚଣ୍ଡିଖୋଲ-ପାରାଦୀପ ଜାତୀୟ ରାଜପଥ ବାଲିଚନ୍ଦ୍ରପୁର ଛକରେ ଆଜି ସକାଳ ପ୍ରାୟ ୮ଟା ସମୟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜେଜେମା’ ଓ ନାତିର ମୃତ୍ୟୁ ଘଟିଛି। ଆଉ ଜଣେ ଆହତ ହୋଇଛନ୍ତି।  ସେମାନେ ହେଲେ କଟକ ଜିଲ୍ଲା ଟାଙ୍ଗୀ ଥାନା ଗୋକୁଳପୁର ଗ୍ରାମର ରଶ୍ମିତା ନାଥ (୫୫) ଓ ତାଙ୍କ ନାତି ପ୍ରିତିଶ୍ରୀ (୧୩)।

ଜଣେ  ସଂପର୍କୀୟ(ଆହତ ବ୍ୟକ୍ତି)ଙ୍କ ସହ ଏକ ବାଇକରେ ପାରାଦୀପରୁ ନିଜ ଘର ଅଭିମୁଖେ ଫେରୁଥିବା ସମୟରେ ବାଲିଚନ୍ଦ୍ରପୁର ଛକ ନିକଟରେ ଏକ କ୍ରେନ ସେମାନଙ୍କୁ ଧକ୍କା ଦେଇଥିଲା।

ଫଳରେ ଘଟଣାସ୍ଥଳରେ ରଶ୍ମିତା ଓ ପ୍ରତିଶ୍ରୀଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ସଂପର୍କୀୟ ଜଣକ ଆହତ ହୋଇଛନ୍ତି।  ବାଲିଚନ୍ଦ୍ରପୁର ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ବଡ଼ଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇବା ସହ ଦୁର୍ଘଟଣା ଘଟାଇଥିବା କ୍ରେନକୁ ଜବତ କରି ତଦନ୍ତ ଚଳାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।