କଟକ: ଏଣିକି ପଞ୍ଚାୟତରେ ଥିବା ଜନସେବା କେନ୍ଦ୍ରରେ ମାଟ୍ରିକ୍ ଡୁପ୍ଲିକେଟ୍ ସାର୍ଟିଫିକେଟ୍ ଉପଲବ୍ଧ ହେବ। ମାଧ୍ୟମିକ ଶିକ୍ଷା ପରିଷଦର ହୀରକ ଜୟନ୍ତୀ ପାଳନ ଅବସରରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ଦେବୀ ପ୍ରସାଦ ମିଶ୍ର ଆଜି ଏହି ସୂଚନା ଦେଇଛନ୍ତି। ସେହିପରି ବୋର୍ଡର ୬୦ ବର୍ଷର ତଥ୍ୟକୁ ଡିଜିଟାଇଜେସନ୍ କରିବା ପାଇଁ ମଧ୍ୟ ସରକାର ସହଯୋଗର ହାତ ବଢାଇବେ ବୋଲି ସେ କହିଛନ୍ତି।
ହୀରକ ଜୟନ୍ତୀ ଉତ୍ସବରେ ଅବସରରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ମିଶ୍ରଙ୍କ ସମେତ ଗଣଶିକ୍ଷା ସଚିବ ରଞ୍ଜନ ଚୋପ୍ରା, ୟୁନିସେଫ୍ ଓଡ଼ିଶାର ଶିକ୍ଷା ବିଶେଷଜ୍ଞ ଲଳିତା ପଟ୍ଟନାୟକ, ବୋର୍ଡ ସଭାପତି, ସମ୍ପାଦକ ଓ କଣ୍ଟ୍ରୋଲର ପ୍ରମୁଖ ଉପସ୍ଥିତ ଥିଲେ। ବୋର୍ଡ ପକ୍ଷରୁ ବିଭିନ୍ନ ଦାବି ଉପସ୍ଥାପନ କରାଯାଇଥିଲା। ଏଥିରେ ସହଯୋଗ କରିବାକୁ ମନ୍ତ୍ରୀ ପ୍ରତିଶ୍ରୁତି ଦେଇଥିଲେ।
ଦୁଇଟି ପର୍ଯ୍ୟାୟରେ ବୋର୍ଡର ସମସ୍ତ ରେକର୍ଡ ଡିଜିଟାଇଜେସନ୍ କରାଯିବାକୁ ନିଷ୍ପତ୍ତି ହୋଇଛି। ପ୍ରଥମ ପର୍ଯ୍ୟାୟରେ ୨୦୦୦ରୁ ୨୦୧୫ ଓ ଦ୍ୱିତୀୟ ପର୍ଯ୍ୟାୟରେ ୧୯୫୫ରୁ ୧୯୯୯ ମସିହା ପର୍ଯ୍ୟନ୍ତ ଡିଜିଟାଇଜେସନ୍ କରାଯିବ। ପ୍ରଥମ ପର୍ଯ୍ୟାୟ ଡିଜିଟାଇସେନ୍ କାମ ୨୦୧୬ ଶେଷ ସୁଦ୍ଧା ସମ୍ପନ୍ନ କରାଯିବାକୁ ଲକ୍ଷ୍ୟ ରଖାଯାଇଥିବା ବୋର୍ଡ ସଭାପତି ପ୍ରଫେସର ଦକ୍ଷପ୍ରସାଦ ନନ୍ଦ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
