ବେଆଇନ ପଥର ଖଣିରେ ଚଢ଼ାଉ ବେଳେ ଜଟଣୀ ତହସିଲଦାରଙ୍କୁ ମାଫିଆଙ୍କ ଆକ୍ରମଣ

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ଜଟଣୀ ତହସିଲ ଅନ୍ତର୍ଗତ ରଥୀପୁର ଗାଁରେ ବେଆଇନ ଭାବେ ଚାଲିଥିବା ପଥର ଖଣିରେ ଜଟଣୀ ତହସିଲଦାର ବିଜୟ କୁମାର ସ୍ୱାଇଁ ଚଢ଼ାଉ କରିବାକୁ ଯାଇଥିବା ବେଳେ ମାଫିଆମାନେ ତାଙ୍କୁ ମରଣାନ୍ତକ ଆକ୍ରମଣ କରିଛନ୍ତି। ତାଙ୍କୁ ଜଟଣୀ ଡାକ୍ତରଖାନାରେ ଭର୍ତ୍ତି କରାଯାଇଛି।  ଏନେଇ ଜଟଣୀ ଥାନା ମାମଲା ଦାୟର କରାଯାଇଛି। ଖୋର୍ଦ୍ଧା ଜିଲ୍ଲାପାଳ ନିରଞ୍ଜନ ସାହୁ ଓ ଭୁବନେଶ୍ୱର ଏସିପି ତପନ ପଟ୍ଟନାୟକ ଜଟଣୀ ଥାନାରେ ପହଞ୍ଚି ଘଟଣା ସଂପର୍କରେ ଅବଗତ ହୋଇଛନ୍ତି। ଆକ୍ରମଣକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲାପାଳ କହିଛନ୍ତି।

ତହସିଲଦାରଙ୍କ  ଉପରେ ହୋଇଥିବା ଆକ୍ରମଣକୁ ଓଏଏଏସ୍‌ ଅଫିସର୍ସ ସଂଘ ନିନ୍ଦା କରିଛି।