ପଦୋନ୍ନତି ପରେ କାର୍ଯ୍ୟରେ ଯୋଗ ନ ଦେବାରୁ ପୂର୍ବତନ ଏସଆଇ ନିଲମ୍ବିତ

କଟକ: ସରକାରୀ କାର୍ଯ୍ୟରେ ବିଶୃଙ୍ଖଳା ଏବଂ ସରକାରୀ ଆଦେଶର ଅବମାନନା ପାଇଁ  ଇନ୍ସପେକ୍ଟର  ପଦବୀକୁ ନୂତନ ଭାବେ  ପଦୋନ୍ନତି  ପାଇଥିବା ଭଦ୍ରକର ପୂର୍ବତନ ସବ୍‌-ଇନ୍ସପେକ୍ଟ ଗୋକୁଳ ରଞ୍ଜନ ଦାସଙ୍କୁ ଆରକ୍ଷୀ ମହାନିର୍ଦ୍ଦେଶକ କେ.ବି ସିଂହ କାର୍ଯ୍ୟରୁ ନିଲମ୍ବନ କରିଛନ୍ତି। ଶ୍ରୀ ଦାସ ଭଦ୍ରକ ଜିଲ୍ଲାରେ  ସବ୍‌-ଇନ୍ସପେକ୍ଟର ଭାବେ କାର୍ଯ୍ୟ କରୁଥିଲେ। ଅଗଷ୍ଟ ୫ ତାରିଖରେ ପଦୋନ୍ନତି ପାଇ ପୁରୀ ଜିଲ୍ଲାରେ ଇନ୍ସପେକ୍ଟର ଭାବେ ନିଯୁକ୍ତି ପାଇଥିଲେ।  ନୂତନ  କାର୍ଯ୍ୟସ୍ଥଳୀରେ ଯୋଗଦାନ ପାଇଁ  ଗୋକୁଳଙ୍କୁ ଜୁଲାଇ ୧ ତାରିଖରେ  ଆରକ୍ଷୀ ଅଧିକ୍ଷକ ଭାରମୁକ୍ତ କରିଥିଲେ। କିନ୍ତୁ ଶ୍ରୀ ଦାସ ଧାର୍ଯ୍ୟ ସମୟ ଭିତରେ  ଯୋଗଦାନ ନକରି ସରକାରୀ ଆଦେଶର ଉଲ୍ଲଘଂନ କରିଥିଲେ।

 ନିଲମ୍ବନ ସମୟରେ  ଶ୍ରୀ ଦାସ୍ କେନ୍ଦ୍ରାଞ୍ଚଳ ଆଇଜିଙ୍କ ଶୃଙ୍ଗଳାଗତ ନିୟନ୍ତ୍ରଣରେ ରହିବେ।