କାମାକ୍ଷାନଗର: ପୋଖରୀରେ ବୁଡ଼ି ଦୁଇ ନାବାଳକ ମୃତ

କାମାକ୍ଷନଗର: ଢେଙ୍କାନାଳ ଜିଲ୍ଲା କାମାକ୍ଷାନଗରର ବଡ଼ସୁଆଁଳ ଗାଁ ବାଲିସାହି ନୂଆବନ୍ଧରେ ବୁଡ଼ି ଦୁଇ ଜଣ ନାବାଳକଙ୍କ ମୃତ୍ୟୁ ଘଟିଛି। ମୃତକ ଦ୍ୱୟ ହେଲେ ଗାଁର ହିମାଂଶୁ ବିଶ୍ୱାଳଙ୍କ ପୁଅ ମିଥୁନ (୮) ଓ କର୍ଣ୍ଣ ସାହୁଙ୍କ ପୁଅ ସତ୍ୟବାନ (୧୨)। ସକାଳ ପ୍ରାୟ ୧୧ଟା ବେଳେ ସେମାନେ ଗାଧୋଇବାକୁ ଯାଇଥିବା ବେଳେ ଏହି ଘଟଣା ଘଟିଥିଲା। ପୋଖରୀରୁ ସେମାନଙ୍କୁ ଉଦ୍ଧାର କରାଯାଇ କାମାକ୍ଷନଗର ଡାକ୍ତରଖାନା ଅଣାଯାଉଥିବା ବେଳେ ମୃତ୍ୟୁ ଘଟିଥିଲା।