କେନ୍ଦ୍ରାପଡ଼ା: ବିଭିନ୍ନ ସମସ୍ୟା ନେଇ ଲୋକଙ୍କ ସହ ଆଲୋଚନା କଲେ ବୈଜୟନ୍ତ

କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ୍‌ର ବରଜ ବାହାକୁଦ ଗାଁ ପରିଦର୍ଶନ କରିଛନ୍ତି ସାଂସଦ ବୈଜୟନ୍ତ ପଣ୍ଡା।  ସ୍ଥାନୀୟ ଲୋକଙ୍କ ସହ ସେ ଗାଁର ଜଳ, ପରିମଳ ବ୍ୟବସ୍ଥା, ଭତ୍ତା ଓ ରାସନକାର୍ଡ ଭଳି ସମସ୍ୟା ସମ୍ପର୍କରେ ଆଲୋଚନା କରିଥିଲେ। ନିକଟସ୍ଥ କାରଖାନାରୁ ନିର୍ଗତ ରାସାୟନିକ ଗ୍ୟାସ୍‌ ସହ ଧୂଳି ଓ ଧୂଆଁର ଶିକାର ହୋଇ ଲୋକେ ରୋଗରେ ପଡୁଥିବା ସାଂସଦଙ୍କ ନିକଟରେ ସ୍ଥାନୀୟ ବାସିନ୍ଦା ଅଭିଯୋଗ କରିଥିଲେ। ଏଦିଗରେ ପ୍ରଦୂଷଣ ବୋର୍ଡ ସହ ଆଲୋଚନା କରିବେ ବୋଲି ସାଂସଦ ପ୍ରତିଶୃତି ଦେଇଥିଲେ।