କେନ୍ଦୁଝର: ଅଟେଇ ସଂରକ୍ଷିତ ଜଙ୍ଗଲରୁ ହାତୀର ମୃତଦେହ ଠାବ

କେନ୍ଦୁଝର: କେନ୍ଦୁଝର ଜିଲ୍ଲା ଘଟଗାଁ ରେଞ୍ଜ କୁଲିମାଟି ଗାଁ ନିକଟ ଅଟେଇ ସଂରକ୍ଷିତ ଜଙ୍ଗଲରୁ ଏକ ହାତୀର ମୃତଦେହ ଉଦ୍ଧାର କରାଯାଇଛି। ସ୍ଥାନୀୟ ଲୋକେ ହାତୀର ମୃତଦେହ ଦେଖି ବନ ବିଭାଗକୁ ଖବର ଦେଇଥିଲେ। ଖବର ପାଇ ବନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି  ତଦନ୍ତ ଆରମ୍ଭ କରିଛନ୍ତି। ଶବ ବ୍ୟବଚ୍ଛେଦ ପରେ ହାତୀର ମୃତ୍ୟୁର କାରଣ ଜଣାପଡ଼ିବ ବୋଲି ବନ ବିଭାଗ କର୍ମଚାରୀ କହିଛନ୍ତି।

ସ୍ଥାନୀୟ ଲୋକେ କହିଛନ୍ତି, ଦୁଇଦିନ ତଳେ ଦନ୍ତାହାତୀଟି ଗାଁ ପାଖ ଜଙ୍ଗଲରେ ବୁଲୁଥିଲା। ହାତୀଟିର ବୟସ ହୋଇଯାଇଥିବାରୁ ନାଳରୁ ପାଣି ପିଇବାକୁ ଆସି ଆଉ ଉପରକୁ ଉଠି ନ ପାରି ପଡିଯାଇଥିଲା। ସେଠାରେ ହିଁ ତା’ର ମୃତ୍ୟୁ ଘଟିଥିବା ଅନୁମାନ କରାଯାଉଛି ବୋଲି ଗ୍ରାମବାସୀ କହିଛନ୍ତି।