ଭୁବନେଶ୍ୱର: ରାଜ୍ୟରେ ଥିବା କିନ୍ନରଙ୍କୁ ମଧ୍ୟ ରାସନ୍ କାର୍ଡ ସୁବିଧା ମିଳିବ। ଏ ନେଇ ଖାଦ୍ୟ ଓ ଯୋଗାଣ ବିଭାଗ ପକ୍ଷରୁ ନିଷ୍ପତ୍ତି ନିଆଯାଇଛି। ଆବେଦନ କରିଥିବା ରାଜ୍ୟର ୧୪ହଜାର କିନ୍ନରଙ୍କୁ ଜାତୀୟ ଖାଦ୍ୟ ସୁରକ୍ଷା ଆଇନରେ ପ୍ରଥମ ଥର ଲାଗି ନୂତନ ରାସନ୍ କାର୍ଡ ପ୍ରଦାନ କରାଯିବ। ଏ ନେଇ ଖାଦ୍ୟ ଓ ଯୋଗାଣ ବିଭାଗ ପକ୍ଷରୁ ଓଡ଼ିଶା ମାନବାଧିକାର କମିଶନଙ୍କୁ ଜଣାଇ ଦିଆଯାଇଛି। ଅଟୋ ଇନକ୍ଲୁଜନ ପ୍ରକ୍ରିୟାରେ ସେମାନଙ୍କୁ ସାମିଲ କରାଯାଇଥିବା ନେଇ ସରକାର ଜଣାଇଛନ୍ତି। ପୂର୍ବରୁ ଖାଦ୍ୟ ସୁରକ୍ଷା ଆଇନରେ କିନ୍ନରମାନଙ୍କୁ ସାମିଲ୍ କରାଯାଇ ନ ଥିବା ଦର୍ଶାଇ ମାନବାଧିକାର କର୍ମୀ ବିଶ୍ୱପ୍ରିୟ କାନୁନଗୋ ଓଡ଼ିଶା ମାନବାଧିକାର କମିଶନଙ୍କ ନିକଟରେ ଏକ ମାମଲା ଦାୟର କରିଥିଲେ। କାର୍ଡ ସୁବିଧା ମିଳିବା ନେଇ ନିଷ୍ପତ୍ତି ପରେ କିନ୍ନରମାନେ ବେଶ୍ ଖୁସି ଜାହିର କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।