ଲଗାଣ ବର୍ଷା ଯୋଗୁଁ ଜଟଣୀ ଓ ପୁରୀ ରାସ୍ତାରେ ଗାଡ଼ି ଚଳାଚଳ ବନ୍ଦ

ଖୋର୍ଦ୍ଧା: ଲଘୁଚାପ ବର୍ଷା ଯୋଗୁଁ ଖୋର୍ଦ୍ଧା ଜିଲ୍ଲା ଜଟଣୀ-ପିପିଲି ରାସ୍ତାର କୁଦିଆରୀ ରେଲୱେ ଓଭରବ୍ରିଜ୍‌ ତଳେ ପାଣି ଜମି ରହିଛି। ଫଳରେ ଜଟଣୀ-ପୁରୀ ରାସ୍ତାରେ ଗାଡ଼ି ଚଳାଚଳ ବନ୍ଦ ରହିଛି। ଓଭରବ୍ରିଜ୍‌ ତଳେ ୧୦ ଫୁଟ୍‌ ଉଚ୍ଚର ବର୍ଷା ପାଣି ଜମି ରହିଛି। ଜଳ ନିଷ୍କାସନ ପାଇଁ ରେଳବାଇ ଓ ଦମକଳ ବାହିନୀ ପକ୍ଷରୁ ଉଦ୍ୟମ ଜାରି ରହିଛି। ଏବେ ବି ବର୍ଷା ଲାଗି ରହିଥିବାରୁ ଜଟଣୀ ଓ ପୁରୀ ରାସ୍ତାରେ ଗାଡ଼ି ଚଳାଚଳକୁ ବନ୍ଦ ରଖାଯାଇଛି।