ନୀଳଗିରି (ବିଶ୍ୱମ୍ବର ଦାସ): ପର୍ଯ୍ୟଟକଙ୍କ ପାଇଁ ଖୋଲିଲା ବାଲେଶ୍ୱର ଜିଲ୍ଲାର କୁଳଡ଼ିହା ଅଭୟାରଣ୍ୟ। ଗତକାଲି ପ୍ରଥମ ପର୍ଯ୍ୟାୟରେ ୧୨ ଜଣ ବଙ୍ଗୀୟ ପର୍ଯ୍ୟଟକ ବାଲିଆନାଳ ବିଟ୍ ହାଉସ ଗେଟ୍ ଦେଇ ଅଭୟାରଣ୍ୟରେ ପ୍ରବେଶ କରିଥିଲେ।
ପର୍ଯ୍ୟଟକମାନଙ୍କୁ ଫୁଲ ଦେଇ ସ୍ୱାଗତ କରିଥିଲେ ବନବିଭାଗ କର୍ମଚାରୀ। ପୂର୍ବରୁ କେବଳ ନେଚର କ୍ୟାମ୍ପରେ ରହଣି ପର୍ଯ୍ୟଟକଙ୍କୁ ଅନୁମତି ଥିବା ବେଳେ ଗତକାଲିଠୁ ସବୁବର୍ଗର ପର୍ଯ୍ୟଟକଙ୍କୁ ଅନୁମତି ମିଳିଛି। ଜଙ୍ଗଲ ଭିତରକୁ ପଲିଥିନ ନେବାକୁ ବାରଣ କରଯାଇଛି।
ସୂଚନାଯୋଗ୍ୟ, ଗତକାଲି ପର୍ଯ୍ୟଟକଙ୍କ ପାଇଁ ଶିମିଳିପାଳ ଅଭୟାରଣ୍ୟ ଖୋଲିଥିଲା। ପ୍ରତି ବର୍ଷ ପରି ଏଥର ମଧ୍ୟ ବାରିପଦା ପଟରୁ ପିଠାବଟା ଗେଟ୍ ଓ ଯଶୀପୁର ପଟରୁ କାଳିଆମି ଗେଟ୍ ଦେଇ ପର୍ଯ୍ୟଟକମାନେ ଅଭୟାରଣ୍ୟ ଭିତରକୁ ପ୍ରବେଶ କରିଥିଲେ । ସକାଳ ୬ଟାରୁ ୯ଟା ଯାଏ ପର୍ଯ୍ୟଟକମାନେ ନିଜ ଗାଡ଼ି ଓ ନାଁ ଠିକଣା ଗେଟ୍ରେ ଦାଖଲ କରିଥିଲେ ।
ଚଳିତ ବର୍ଷ ଶିମିଳିପାଳକୁ ପ୍ଲାଷ୍ଟିକମୁକ୍ତ ଘୋଷଣା କରାଯାଇଛି । ପର୍ଯ୍ୟଟକମାନେ କୌଣସି ପ୍ଲାଷ୍ଟିକ ସାମଗ୍ରୀ ନେଇ ଭିତରକୁ ପ୍ରବେଶ କରିପାରିବେ ନାହିଁ । ତା’ ସହିତ ଦହନଶୀଳ ପଦାର୍ଥ ଓ ମାଦକ ଦ୍ରବ୍ୟ ଉପରେ ମଧ୍ୟ ଲଗାଯାଇଛି କଟକଣା ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
