ରାୟଗଡ଼ା: ଗତ ୧୫ ତାରିଖରେ ପୋଲିସ୍ ଗୁଳିରେ କ୍ୟାଡର ମହିଳା ମାଓବାଦୀ ସଙ୍ଗୀତାର ମୃତ୍ୟୁ ଘଟଣାର ପ୍ରତିବାଦରେ ଆଜି କଳାହାଣ୍ଡି ଓ ରାୟଗଡ଼ା ଜିଲ୍ଲାରେ ମାଓବାଦୀମାନେ ବନ୍ଦ ଡାକରା ଦେଇଛନ୍ତି। ବାଂଶଧାରା, ଘୁମୁସର ଓ ନାଗାବଳୀ ମାଓବାଦୀ କମିଟି ପକ୍ଷରୁ ଏହି ବନ୍ଦ ଡାକରା ଦିଆଯାଇଛି।
ବନ୍ଦର ପ୍ରଭାବ କଲ୍ୟାଣସିଂହପୁରରେ ଦେଖିବାକୁ ମିଳିଛି। ଦୋକାନ ବଜାର ବନ୍ଦ ରହିବା ସହ ବସ୍ ଚଳାଚଳ ମଧ୍ୟ ସମ୍ପୂର୍ଣ୍ଣ ବନ୍ଦ ରହିଛି। କଲ୍ୟାଣସିଂହପୁରଠାରୁ ରାୟଗଡ଼ା ଓ କଳାହାଣ୍ଡିକୁ ଗାଡ଼ିଚଳାଚଳ ବନ୍ଦ ରହିଛି।
ପୋଲିସ୍ ପକ୍ଷରୁ ବିଭିନ୍ନ ସମ୍ୱେଦନଶୀଳ ଅଞ୍ଚଳରେ ଫୋର୍ସ ମୁତୟନ କରାଯିବା ସହ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।