ପୁଲିସକୁ ଟାର୍ଗେଟ୍ ପାଇଁ ଖଞ୍ଜୁଥିଲା ଲ୍ୟାଣ୍ଡମାଇନ୍, ନିଜେ ଉଡ଼ିଗଲା

ମାଲକାନଗିରି (ଜିତେନ୍ଦ୍ର ବେଉରା): ପୁଲିସକୁ ଟାର୍ଗେଟ କରିବା ମାଓବାଦୀ ପାଇଁ ମହଙ୍ଗା ପଡିଲା। ରାସ୍ତା ନିର୍ମାଣ କାର୍ଯ୍ୟରେ ନିୟୋଜିତ ସୁରକ୍ଷା କର୍ମୀଙ୍କୁ ଟାର୍ଗେଟ କରି ମାଓବାଦୀ ଲ୍ୟାଣ୍ଡ ମାଇନ୍ ଖଞ୍ଜୁଥିବା ବେଳେ ଘଟିଲା ବଡ଼ ଅଘଟଣ। ଘଟଣାସ୍ଥଳରେ ଲ୍ୟାଣ୍ଡ ମାଇନ୍ ବିସ୍ପୋରଣ ହୋଇ ମାଓବାଦୀଙ୍କ ବମ ଏକ୍ସପର୍ଟର ମୃତ୍ୟୁ ଘଟିଛି।

ମୃତ ମାଓବାଦୀ ନାଁ ହେଉଛି ସୁନୀଲ ପଦମ। ସୁନୀଲ ଭୈରମଗଡ଼ ଏରିଆ କମିଟି ମାଓ ସଙ୍ଗଠନର IED ଏକ୍ସପର୍ଟ। ମାଓବାଦୀ ନିଜେ ଗାତ ଖୋଳିଥିବା ଗାତରେ ପୋଡି ହୋଇ ନିଜେ ହିଁ ମୃତ୍ୟୁବରଣ କରିଛି। ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲା ଅନ୍ତର୍ଗତ ବେଚାପାଲ ନିକଟରେ ରାସ୍ତା କାମକୁ ବିରୋଧ କରି ସୁରକ୍ଷା କର୍ମୀଙ୍କୁ ଟାର୍ଗେଟ କରିବା ପାଇଁ ଏଭଳି ଯୋଜନା କରୁଥିଲେ ମାଓବାଦୀ।

ବିସ୍ଫୋରଣରେ ନିହତ ହୋଇଥିବା ମାଓବାଦୀର ଶବକୁ ପୁଲିସ୍ ଉଦ୍ଧାର କରିଥିବା ବିଜାପୁର SP ସୂଚନା ଦେଇଛନ୍ତି। ତେବେ ଏହି ବିସ୍ଫୋରଣରେ ଆଉ କାହାରିବାକୁ କୌଣସି କ୍ଷତି ହୋଇନଥିବା ଜଣାପଡ଼ିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।