ମାଲକାନଗିରି: ମାଲକାନଗିରି ଭେଜାଗୁଡ଼ା ଜଙ୍ଗଲରେ ଗତ ଶନିବାର ପୋଲିସ୍ ଏନକାଉଣ୍ଟରରେ ମୃତ୍ୟୁବରଣ କରିଥିବା ୩ ମାଓବାଦୀଙ୍କ ମୃତଦେହ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ଗତକାଲି ପୋଲିସକୁ ସେମାନଙ୍କ ପରିଚୟ ମିଳିଥିଲା। ମୃତଦେହଗୁଡ଼ିକୁ ନେବା ପାଇଁ ସେମାନଙ୍କ ପରିବାର ଲୋକେ ସଦର ମହକୁମା ଥାନାରେ ପହଞ୍ଚିଥିଲେ। ମୃତକଙ୍କ ମଧ୍ୟରୁ ମାଓନେତା ସୁନାଧର ଡିସିଏମ୍ କ୍ୟାଡର ଓ ଲଛମନ କୁଞ୍ଜ।ମି ଏସିଏମ୍ କ୍ୟାଡର ଥିଲେ। ଏମାନଙ୍କ ଘର ଛତିଶଗଡର କିରଣ୍ଡୁଲ ଥାନା ଅଞ୍ଚଳରେ। ତୃତୀୟ ଜଣକ ମାଲକାନଗିରି ଜିଲ୍ଲା ମାଥିଲି ଥାନା ଅନ୍ତର୍ଗତ ଗଲିଆ ଗୁଡାର ଘାସି ମସାକି ବୋଲି ଜଣାପଡିଛି।
ମୃତ ସୁନାଧର ଓ ଲଛମନ ୮ ବର୍ଷ ହେବ ମାଓ ସଙ୍ଗଠନରେ ଯୋଗ ଦେଇଥିଲେ। ସୂଚନାଯୋଗ୍ୟ, ମାଲକାନଗିରି ଜିଲ୍ଲା ଭେଜାଗୁଡା ଜଙ୍ଗଲରେ ପୋଲିସ ଏନକାଉଣ୍ଟରରେ ଗତ ଶନିବାର ଦିନ ୩ ମାଓବାଦୀଙ୍କ ମୃତ୍ୟୁ ଘଟିଥିଲା। ମୃତକଙ୍କ ମଧ୍ୟରେ ଜଣେ କ୍ୟାଡର ମାଓବାଦୀ ଥିବା ଜଣାପଡିଥିଲା। ଡିଭିଏଫ୍ ପକ୍ଷରୁ ଭେଜାଗୁଡ଼ା ଜଙ୍ଗଲରେ କମ୍ୱିଂ ଚାଲିଥିଲା ବେଳେ ଏହି ଗୁଳିବିନିମୟ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
