ମଦଭାଟି ମ୍ୟାନେଜରଙ୍କୁ ଗୁଳିକରି ଲୁଟ୍‌

ଟିଟିଲାଗଡ଼ (ମାନସ ରଞ୍ଜନ ମହାନ୍ତି): ମଦଭାଟି ମ୍ୟାଜେନରଙ୍କ ଉପରକୁ ଗୁଳି କରି ୩ ଲକ୍ଷ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ। ଫଳରେ ମ୍ୟାନେଜର ଗୁରୁତର ଆହତ ହୋଇଛନ୍ତି। ତାଙ୍କ ସମ୍ୱଲପୁର ଜିଲ୍ଲା ସଇଁନ୍ତଳା ମେଡିକାଲ୍‌ରେ ଭର୍ତ୍ତି କରାଯାଇଛି।

ଆମ୍‌ପାଲି ମଦ ଭାଟି ମ୍ୟାନେଜର ନଗେନ୍ଦ୍ର ପ୍ରସାଦ ଗୁପ୍ତା ଓ ତାଙ୍କର ଦୁଇ ଜଣ ସାଙ୍ଗ ସଇଁନ୍ତଳା ଥାନା ଅଞ୍ଚଳରେ ଥିବା ବିଭିନ୍ନ ମଦଭାଟିରୁ ୩ ଲକ୍ଷ ଟଙ୍କା କଲେକ୍‌ସନ୍‌ କରି ଆଣୁଥିଲେ। ଗଣ୍ଡପାତ୍ରାପାଲି ଗାଁ ନିକଟରେ ଏକ ବାଇକ୍‌ରେ ୩ ଜଣ ଯୁବକ ଆସି ସେମାନଙ୍କୁ ଅଟକାଇଥିଲେ। ପରେ ସେମାନଙ୍କୁ ବାଡ଼ିରେ ପିଟିବା ସହିତ ଗୁଳି କରି ୩ ଲକ୍ଷ ଟଙ୍କା ଲୁଟି ନେଇଥିଲେ।

ଏନେଇ ଅଭିଯୋଗ ହେବା ପରେ ପୁଲିସ ରାସ୍ତା ସିଲ୍‌ କରି ତଲାସି ଅଭିଯାନ ଚଳାଇଛି। ହେଲେ ଅଭିଯୁକ୍ତଙ୍କୁ ଧରିବାରେ ସଫଳ ହୋଇନାହିଁ।