ସିମନବାଡ଼ି-ବୁଡ଼ାଗୁଡାରେ ମାଓ ବ୍ୟାନର

ଫୁଲବାଣୀ: କନ୍ଧମାଳ ଜିଲ୍ଲା ସିମନବାଡ଼ି-ବୁଡ଼ାଗୁଡା ରାସ୍ତାର ବିଭିନ୍ନ ସ୍ଥାନରେ ମାଓ ବ୍ୟାନର ଲଗାଯାଇଛି।  ଘୁମୁସର ନାଗାବଳି ଡିଭିଜନ ପକ୍ଷରୁ ଏହି ବ୍ୟାନର ଲଗାଯାଇଛି। ଆଜିଠାରୁ ସପ୍ତାହ ବ୍ୟାପୀ ସିପିଆଇ ମାଓବାଦୀର ପ୍ରତିଷ୍ଠା ଦିବସ ପାଳନ କରିବାକୁ ବ୍ୟାନରରେ ଉଲ୍ଲେଖ ରହିଛି।

ସୂଚନାଯୋଗ୍ୟ ଯେ, ସେପ୍ଟେମ୍ୱର ୧୨ ତାରିଖରେ ଭବାନୀପାଟଣା ସିର୍ଲିଗୁଡ଼ା ଗାଁର ଭିନ୍ନ ଭିନ୍ନ ସ୍ଥାନରେ ଲାଗିଥିଲା ୫ଟି ମାଓ ପୋଷ୍ଟର। ଜେଲ୍‌ରେ ଥିବା ମାଓବାଦୀଙ୍କୁ ବିଭିନ୍ନ ପ୍ରକାର ସୁବିଧା ଦେବାକୁ ପୋଷ୍ଟରରେ ଉଲ୍ଲେଖ କରାଯାଇଥିଲା।