ଲଖନପୁର: ପ୍ରଶାସନର ଜମି ଚିହ୍ନଟ ବେଳେ ଗାଁଲୋକଙ୍କ ବିରୋଧ। ଫଳରେ ୨୦ ଜଣଙ୍କୁ ଗିରଫ କରାଯାଇଛି। ଝାରସୁଗୁଡା ଜିଲ୍ଲା ଲଖନପୁର ତହସିଲ ଅନ୍ତର୍ଗତ ଖଡାମ ଗାଁରେ ଏମସିଏଲର ବିସ୍ଥାପିତ କଲୋନୀ ପାଇଁ ଜମି ଚିହ୍ନଟ ବେଳେ ଆଜି ଏଭଳି ଦୃଶ୍ୟ ଦେଖିବାକୁ ମିଳିଛି । ଲଗାତର ଦ୍ୱିତୀୟ ଦିନରେ ଗାଁଲୋକେ ପ୍ରଶାସନକୁ ବିରୋଧ କରିଥିଲେ। କେବଳ ଗ୍ରାମବାସୀ ନୁହେଁ, ସ୍ଥାନୀୟ ଜନପ୍ରତିନିଧି ମଧ୍ୟ ପ୍ରବଳ ବିରୋଧ କରିଥିବା ଦେଖିବାକୁ ମିଳିଥିଲା।
ପରିସ୍ଥିତି ଅଣାୟତ୍ତ ହେବାରୁ ପୋଲିସ ୨୦ ଜଣଙ୍କୁ ଗିରଫ କରିଛି । ବିନା ଆଲୋଚନାରେ ପ୍ରଶାସନ ଜୋର ଜବରଦସ୍ତ କାମ କରୁଥିବା ସ୍ଥାନୀୟ ଗ୍ରାମବାସୀ ଅଭିଯୋଗ କରିଛନ୍ତି । ରାଜ୍ୟ ସରକାର ୧୯୯୫ ମସିହାରୁ ଏମସିଏଲକୁ ଜମି ଯୋଗାଇ ଦେଇଥିବାରୁ ଖଡାମ ଗାଁରେ ବିସ୍ଥାପିତଙ୍କୁ ଥଇଥାନ କରାଯିବ ବୋଲି ଉପଜିଲ୍ଲାପାଳ କହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।