ଭୁବନେଶ୍ୱର(ଓଡ଼ିଶା ରିପୋର୍ଟର): ଇଷାକ ମୁଣ୍ଡାଙ୍କ ପ୍ରଶଂସାରେ ଶତମୁଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ମନ୍ କି ବାତ୍ କାର୍ଯ୍ୟକ୍ରମରେ ମୋଦି ସମ୍ବଲପୁରର ଇଷାକ ମୁଣ୍ଡାଙ୍କୁ ସେ ପ୍ରଶଂସା କରିଛନ୍ତି। ଦିନ ମଜୁରିଆରୁ ୟୁଟ୍ୟୁବର ପାଲଟିଥିବା ଇଷାକ ଓଡ଼ିଶାର ପଖାଳକୁ ଦେଶ ବିଦେଶରେ ପହଞ୍ଚାଇ ପାରିଥିବା କହିଛନ୍ତି ମୋଦି । ଅନ୍ୟ ସମସ୍ତ ପ୍ରକାର ଖାଦ୍ୟ ବ୍ୟଞ୍ଜନ ଠାରୁ ଅଲଗା ଓଡ଼ିଶାର ପଖାଳ ଭାତର ଭିଡିଓ କରି ଇଷାକ ଇଣ୍ଟରନେଟ୍ ସେନସେସନ ପାଲଟି ଯାଇଥିବା ମୋଦି କହିଛନ୍ତି । ସେହିଭଳି ମୋଦି ଅଲିମ୍ପିକ, କାର୍ଗିଲ ବିଜୟ ଦିବସ ସଂପର୍କରେ ମନର କଥା କହିଛନ୍ତି। ସେହିଭଳି ୭୯ତମ ମନ କି ବାତ୍ କାର୍ଯ୍ୟକ୍ରମରେ ମୋଦି ଆଜି ଟୋକିଓ ଅଲିମ୍ପିକ୍ସ ପାଇଁ ଯାଇଥିବା ଖେଳାଳିଙ୍କୁ ଭୂୟସୀ ପ୍ରଶଂସା କରିଛନ୍ତି । ଏହାସହ ଏଥର ଅଗଷ୍ଟ ୧୫ରେ ସ୍ୱାଧୀନତାର ୭୫ ବର୍ଷ ପୂର୍ତ୍ତି ହେଉଥିବାରୁ, ଏହାକୁ ସ୍ୱତନ୍ତ୍ର ଭାବେ ପାଳନ କରିବା ଲାଗି ଆହ୍ୱାନ ଜଣାଇଛନ୍ତି ପ୍ରଧାନମନ୍ତ୍ରୀ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
