ଭୁବନେଶ୍ୱର(ଓଡ଼ିଶା ରିପୋର୍ଟର): ଏଣିକି ବିଦେଶ ଗସ୍ତରେ ଯିବା ପୂର୍ବରୁ ଅର୍ଥ ବିଭାଗକୁ ଅବଗତ କରାଇବେ ସାଂସଦ ଓ ବିଧାୟକ। ସରକାରୀ ଅଫିସର୍ ମଧ୍ୟ ଏଥିରୁ ବାଦ ପଡ଼ିବେନି । ଗସ୍ତର ତିନି ସପ୍ତାହ ପୂର୍ବରୁ ଏସମ୍ପର୍କରେ ବିଧିବଦ୍ଧ ବିବରଣୀ ଅର୍ଥ ବିଭାଗକୁ ଜଣାଇବାକୁ ଆଜି ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ମୁଖ୍ୟ ଶାସନ ସଚିବଙ୍କୁ ଚିଠି ହୋଇଛି। କେନ୍ଦ୍ର ଅର୍ଥ ମନ୍ତ୍ରଣାଳୟର ଅର୍ଥନୈତିକ ବ୍ୟାପାର ପକ୍ଷରୁ ଏହି ଚିଠି କରାଯାଇଛି।
ବିଧାୟକ, ସାଂସଦ ଓ ସରକାରୀ ଅଧିକାରୀଙ୍କ ଗସ୍ତ ସୂଚୀକୁ ନେଇ ଏକ ବିବରଣୀ ତିନି ସପ୍ତାହ ପୂର୍ବରୁ ଦେବାକୁ ଚିଠିରେ କୁହାଯାଇଛି।
ବିଦେଶ ଗସ୍ତର ସବିଶେଷ ତଥ୍ୟ ବହୁବାର ବିଭାଗର ହସ୍ତଗତ ହେଉ ନାହିଁ। ଏହାସହ ଉପଯୁକ୍ତ ସମୟରେ ଏହା ଦାଖଲ ମଧ୍ୟ ହେଉନାହିଁ। ତେଣୁ ଏଦିଗରେ ସମସ୍ୟା ଦେଖାଯିବାରୁ ଏପରି କରିବାକୁ ମୁଖ୍ୟ ଶାସନ ସଚିବଙ୍କୁ ଚିଠି ଲେଖାଯାଇଥିବା ଉଲ୍ଲେଖ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।